تۇركيانىڭ سىرتقى ىستەر ءمينيسترى مەملەكەت باسشىسىنا پرەزيدەنت ەردوعاننىڭ سالەمىن جەتكىزدى

استانا. قازاقپارات - تۇركيانىڭ سىرتقى ىستەر ءمينيسترى حاكان فيدان مەملەكەت باسشىسىنا پرەزيدەنت رەجەپ تايپ ەردوعاننىڭ سالەمىن جەتكىزدى، دەپ حابارلايدى قازاقپارات.

ول تۇركيا تاراپى ورتاق كۇش-جىگەردىڭ ناتيجەسىندە ەكى ەلدىڭ ءوزارا ىنتىماقتاستىعىن، سونداي-اق ايماقتىق جانە حالىقارالىق ارەناداعى الەۋەتىن بۇدان دا جوعارى دەڭگەيگە جەتكىزۋگە نيەتتى ەكەنىن ايتتى.

سونىمەن قاتار تۇركيانىڭ سىرتقى ىستەر ءمينيسترى پرەزيدەنت رەجەپ تايپ ەردوعاننىڭ بيىل قاراشا ايىندا وتەتىن تۇركى مەملەكەتتەرى ۇيىمىنىڭ ءسامميتى اياسىندا ءوزارا ستراتەگيالىق قارىم-قاتىناس ماسەلەلەرىن كەڭىنەن تالقىلاۋدى جوسپارلاپ وتىرعانىن جەتكىزدى.