جىبەك جولىنا ارنالعان ەلەكتروموبيلدەر
بۇدان تۋرا 10 جىل بۇرىن 2013 -جىلى 7- قىركۇيەكتە ق ح ر ءتوراعاسى شي جينپيڭ استاناعا كەلگەن ساپارى كەزىندە قازاقستانعا جىبەك جولىن قايتا جاڭعىرتۋ جانە ايماقتىق ىنتىماقتاستىقتى دامىتۋ بويىنشا جاھاندىق باستاماعا قاتىسۋعا ۇسىنىس جاساعان بولاتىن.
قازان ايىندا پەكيندە جوبا شەڭبەرىندە 3- حالىقارالىق فورۋم وتەدى، ال 10 جىلدىققا وراي قىتايدىڭ تانىمال مەديا قۇرالدارى شينحۋا جانە China Daily استانادا - باعدارلاما ىسكە قوسىلعان نۇكتەدە فورۋم ۇيىمداستىردى، 10 جىل بۇرىنعىداي كەزدەسۋ نازاربايەۆ ۋنيۆەرسيتەتىندە ءوتتى.
فورۋم قاتىسۋشىلارى مەن قوناقتارىنا سويلەگەن سوزىندە قازاقستاننىڭ مەملەكەتتىك كەڭەسشىسى ەرلان قارين: «10 جىلدىڭ ىشىندە «ءبىر بەلدەۋ - ءبىر جول» ءوزارا ءىس- ارەكەت جۇرگىزۋدى ءىس جۇزىندە جۇزەگە اسىرۋدىڭ جۇيەسىنە اينالدى، ال قازاقستان بۇل باستامانى جۇزەگە اسىرۋدا وتە ماڭىزدى ءرول اتقارىپ جاتىر. «ءبىر بەلدەۋ - ءبىر جول» سونداي- اق ينفراقۇرىلىمدىق جانە لوگيستيكالىق الەۋەتتى دامىتۋعا جانە ۇلعايتۋعا ىقپال ەتتى.. . بۇگىندە باستاماعا قاتىسىپ وتىرعان ءاربىر ەل ونى جۇزەگە اسىرۋدىڭ ءىس جۇزىندەگى ناتيجەلەرىن سەزىنىپ جاتىر»، - دەپ اتاپ ءوتتى.
شينحۋا ا ا تاريحي ءساتتى - «ءبىر بەلدەۋ - ءبىر جول» جوباسىنىڭ باستالۋىن، قازىرگى كۇيىن جانە پەرسپەكتيۆالارىن جازىپ الۋعا شەشىم قابىلدادى. جۋرناليستەر مەن وپەراتورلاردان قۇرالعان كوماندا جىبەك جولىنىڭ باعىتىمەن وتەتىن اتتاس جاھاندىق تۋرعا جولعا شىقتى، ال ايالداۋ نۇكتەلەرى - باعدارلاماعا قاتىسۋشى ەلدەردىڭ قالالارى.
بۇگىنگى كۇننىڭ احۋالىندا «ءبىر بەلدەۋ - ءبىر جول» بۇكىل باعدارلامالارىنىڭ قۇرامىنا «جاسىل» ەلەمەنت كىرەدى - سول سەبەپتى شينحۋا ا ا كومانداسى ءوز ساياحاتىنا قىتايدىڭ ءتورت الپاۋىت اۆتوكونتسەرنىنىڭ ءبىرى - Changan Automobile ەلەكتركارلارىنان قۇرالعان اۆتوپويىزبەن شىقتى.
«ىلەسكىش فلوت» شىلدە ايىندا چۋڭشيڭ قالاسىنان باستاپ جول تارتقان بولاتىن. Changan كونسەرنىنىڭ حالىقارالىق نارىقتار جونىندەگى ديرەكتورى سونگ شۋاننىڭ سوزىنشە «UNI- K iDD جانە Deepal S7 اۆتوكولىكتەرى تىلشىلەر توبىنا جول- جونەكەي كۇشتى قورعانىستى قامتاماسىز ەتەدى. مىڭ جىل بۇرىن جىبەك جولىنداعى كەرۋەندەرگە ساۋىت- سايمانىن اسىنعان كۇزەت ەرىپ جۇرەتىن، ال ەندى «جاڭا قۋاتپەن» جۇرەتىن Changan اۆتوكولىكتەرى ىلەسەدى».
بارلىق مودەلدەر «اسا قاشىق ساپار»، «ينتەللەكتۋالدى جۇرگىزۋ»، «سەنىمدىلىك جانە توزىمدىلىك» سەكىلدى ەكستريمگە قاتىستى نەگىزگى ىشكى سىناقتاردان ءساتتى ءوتتى. ال ەندى جاڭا جىبەك جولىنىڭ ينتەگراتسيالانۋ تاريحىن زەرتتەۋ جانە قىتايلىق ينتەللەكتۋالدى ەلەكترموبيلدەردى شەتەلدەگى تانىستىرۋ كارتاسىنا اينالدىرۋ ءۇشىن «بەلدەۋ مەن جولدىڭ» ەلدەرىمەن جانە ون جىل ىشىندەگى دامۋ مەجەلەرىنىڭ ۇستىمەن تاريحتاعى ەڭ اۋقىمدى دەۋگە بولاتىن تەست- درايۆتان ءوتىپ جاتىر.
ايتا كەتۋ كەرەك، Changan Automobile قازاقستاندا تەك ديپلوماتتىق كەزدەسۋلەرمەن شەكتەلگەن جوق. كونسەرن قىتايلىق جۋرناليستەرگە ءوزىنىڭ قازاقستاندىق سەرىكتەستەرىن تانىستىردى.
Changan كونسەرنىنىڭ ت م د ەلدەرى بويىنشا ايماقتىق ديرەكتورى ليان پەن:
«Changan Automobile جاڭا تەحنولوگيالار مەن ونىمدەردى جاھاندىق پايدالانۋشىلارعا جەتكىزۋ ءۇشىن ءاردايىم ءوزىنىڭ شەتەلدىك نارىقتارداعى، اسىرەسە «بەلدەۋ مەن جول» ەلدەرىندەگى دامۋىنا كوپ ءمان بەرىپ كەلەدى. قازاقستاننىڭ تۇراقتى نارىعى جانە كۇشتى دامۋ الەۋەتى بار، ءبىز 2022 -جىلى «استانا موتورس» كومپانياسىمەن ىنتىماقتاستىقتى باستاعالى بەرى جاقسى نارىقتىق كورسەتكىشتەرگە قول جەتكىزدىك. ءبىزدىڭ ەڭ ۇلكەن ءارى ستراتەگيالىق ماڭىزى بار بىرلەسكەن جوبامىز - 2025 -جىلى قازاقستاندا Changan اۆتوكولىكتەرىنىڭ ءوندىرىسىن ىسكە قوسۋ. قازىر زاۋىتتىڭ قۇرىلىسى ءجۇرىپ جاتىر. ءبىرىنشى كەزەڭدە Changan اۆتوكولىكتەرىنىڭ ءۇش مودەلى وندىرىلەتىن بولادى - دانەكەرلەۋ جانە بوياۋ جۇمىستارىمەن %100 CKD، ءوندىرىس ءىشىنارا روبوتتاندىرىلعان. مۇنىڭ ءبارى قازاقستاننىڭ يندۋستريالانۋىن دامىتۋعا مۇمكىندىك بەرەدى».
ءتۇسىرۋ توبى Changan ديلەرلىك ورتالىعىنا باس سۇقتى، بۇل جەردە سونگ شۋان مىرزا جاقىن اراداعى ەكسپورتتىق پەرسپەكتيۆالار تۋرالى - قازاقستان نارىعىنا Alsvin مودەلىنىڭ - B سىنىپتى قولجەتىمدى سەداننىڭ جانە C سىنىپتى جاڭا SUV كروسسوۆەرىنىڭ شىعاتىنى جايلى ايتىپ بەردى. سونىمەن بىرگە سەرتيفيكاتتاۋ ءراسىم اياقتالعان ساتتە قازاقستانعا كەڭەيتىلگەن ءجۇرىس قورى بار ەلەكتركروسسوۆەر - Deepal S7 دە كەلەتىن بولادى. ول باتارەيانى زاريادتاۋعا ارنالعان قۋاتى 95 اتتىڭ كۇشىنە تەڭ 1,5 ليترلىك اتموسفەرالىق موتورمەن جانە ارتقى وسىندەگى 238 اتتىڭ كۇشى بار قوزعالتقىشىمەن جابدىقتالادى. Deepal S7 تازا ەلەكتر قۋاتىمەن 200 ك م- گە دەيىن، ال گيبريدتىك رەجيمدە 1120 ك م- گە ءجۇرىپ وتە الادى.
قازاقستاننىڭ دا جىبەك جولىن «جاسىلداندىرۋعا» قوسىلعانىن اتاپ وتكەن ءجون. 2029 -جىلعا قاراي ەلدىڭ بارلىق ءىرى قالالارىندا ەلەكترلى زاريادتاۋ ستانتسيالارىنىڭ جۇيەسىن دامىتۋ بويىنشا جول كارتاسى قابىلدانىپ قويدى. قازاقستانداعى ينفراقۇرىلىمدى جوبالاۋعا جانە دامىتۋعا جانە ەلەكترموبيلدەرگە ارنالعان زاريادتاۋ جابدىقتارىن وندىرۋگە قويىلاتىن نورماتيۆتىك- تەحنيكالىق تالاپتار، سونداي- اق ەلەكترموبيلدەرگە ارنالعان زاريادتاۋ ستانتسيالارىنا دەگەن قاجەتتىلىك پەن ولاردى ورنالاستىرۋ ورىندارى ايقىن انىقتالاتىن بولادى.
