18:41, 11 - قىركۇيەك 2023 | GMT +6
تاريحي فينال! قازاقستاندىق شاحماتشى قىزدار الەم چەمپيونى اتاعىنا تالاسادى
استانا. قازاقپارات - قازاقستان شاحماتتان ايەلدەر اراسىنداعى كوماندالىق الەم چەمپيوناتىنىڭ فينالىنا شىقتى، دەپ حابارلايدى قازاقپارات «شرەدينگەر سپورتى» Telegram-ارناسىنا سىلتەمە جاساپ.
بۇعان دەيىن قازاقستاندىق شاحماتشى قىزدار جارتىلاي فينالعا وتكەنىن جازعان بولاتىنبىز. بۇل كەزەڭدە ق ر قۇراماسى فرانسيامەن ويناپ، جەڭىسكە جەتتى.
ۇلتتىق قۇراما ساپىندا ءبيبىسارا اساۋبايەۆا، كسەنيا بالابايەۆا، اسەل سەرىكباي، مەرۋەرت كاماليدەنوۆا، الۋا نۇرمانوۆا جانە ءامينا قايىربەكوۆالار بار. اقتىق سىندا ولار ا ق ش- تى جەڭگەن گرۋزيامەن كەزدەسەدى. ماتچ 11- قىركۇيەك كۇنى ساعات 18:00 دە وتەدى.
شاحماتتان 2023-جىلعى كوماندالىق الەم چەمپيوناتى پولشانىڭ بىدگوش قالاسىندا ءوتىپ جاتىر. وندا 12 كوماندا باق سىناۋدا. تۋرنير 2007-جىلدان بەرى ۇيىمداستىرىلىپ كەلەدى. ءبىراق قازاقستان بۇعان دەيىن شيرەك فينالدان ءارى اسىپ كورگەن ەمەس.
