قىتايلىق ۇشاقتىڭ قوزعالتقىشىنان ءورت شىقتى، زارداپ شەككەندەر بار
اۋە كومپانياسىنىڭ حابارلاۋىنشا، تيانفۋ اۋەجايىنان چەندۋ قالاسىنا ۇشقان CA403 رەيسىنىڭ جولاۋشىلارى مەن ەكيپاج مۇشەلەرىنىڭ ءبارى جەرگە قونعاننان كەيىن 16:00 شاماسىندا ۇرلەمەلى تراپ كومەگىمەن ەۆاكۋاتسيالاندى.
وقيعا سەبەپتەرى تەرگەلىپ جاتىر.
كەيىنىرەك سينگاپۋر بيلىگى بورتتاعى توعىز ادام جەڭىل جاراقات العانىن حابارلادى.
سينگاپۋرداعى چانگي اۋەجايىنىڭ 3№ ۇشۋ-قونۋ جولاعى ۋاقىتشا جابىلدى. سول جاق قوزعالتقىشتاعى ءورت ءسوندىرىلىپ، 146 جولاۋشى مەن 9 ەكيپاج مۇشەسى ەۆاكۋاتسيالاندى.
ۇشۋدى اڭديتىن VariFlight.com قوسىمشاسى سينگاپۋر ۋاقىتىمەن 20:00 دەگى جاعداي بويىنشا، ۇشۋ مەن قونۋدىڭ شامامەن %30 وسى وقيعاعا بايلانىستى كەشىكتىرىلگەنى نەمەسە توقتاتىلعانىن كورسەتتى.
چانگي اۋەجايى Facebook تە ۇشاقتىڭ قاۋىپسىزدىگى تەكسەرىلگەننەن كەيىن شامامەن ءۇش ساعاتتان سوڭ ۇشۋ-قونۋ جولاعى قايتا اشىلعانىن حابارلادى.
