قازاقستاندا الداعى ءۇش كۇندە قار ارالاس جاڭبىر جاۋادى

استانا. قازاقپارات - 12-14- قىركۇيەكتە رەسپۋبليكانىڭ كوپ بولىگىندە كۇن قۇبىلمالى بولادى، دەپ حابارلايدى قازاقپارات «قازگيدرومەت» ر م ق- عا سىلتەمە جاساپ.

سينوپتيكتەردىڭ بولجامىنشا، الداعى ءۇش كۇندە قازاقستاندا كۇشتى جەل سوعىپ، كۇن كۇركىرەپ، جاڭبىر جاۋادى. 12- قىركۇيەكتە رەسپۋبليكانىڭ سولتۇستىك-باتىس، سولتۇستىك، ورتالىق جانە شىعىسىندا نوسەر جاڭبىر جاۋادى. وڭتۇستىك-شىعىستاعى تاۋلى اۋدانداردا تۇندە قار ارالاس جاڭبىر جاۋۋى مۇمكىن.

سولتۇستىك-باتىستا اۋا تەمپەراتۋراسى كۇندىز 13-23 گرادۋستان 15-25 گرادۋسقا دەيىن، سولتۇستىكتە 10-15 تەن 12-17 گرادۋسقا دەيىن، ورتالىعىندا 10-23 گرادۋستان 12-23 كە دەيىن كوتەرىلەدى. نەگىزگى اۋا تەمپەراتۋراسى كۇندىز باتىستا 18-25 گرادۋس، وڭتۇستىكتە - 22-30، وڭتۇستىك-شىعىستا - 18-27، تاۋلى اۋدانداردا - 7-12 گرادۋس جىلى بولادى.