ۇكىمەت ەكولوگيا جانە تابيعي رەسۋرستار مينيسترلىگىنە قوسىمشا قۇزىرەت بەردى

استانا. قازاقپارات - پرەمەر- مينيستر ءاليحان سمايىلوۆ «ەكولوگيا جانە تابيعي رەسۋرستار مينيسترلىگىنىڭ كەيبىر ماسەلەلەرى» تۋرالى ۇكىمەت قاۋلىسىنا قول قويدى، دەپ حابارلايدى قازاقپارات ءتىلشىسى.

قاۋلىعا ساي، اتالعان ۆەدومستۆوعا مىنا فۋنكسيالار بەرىلدى:

- ءوز قۇزىرەتى شەگىندە ساۋدا قىزمەتىن رەتتەۋ سالاسىنداعى ۋاكىلەتتى ورگانمەن كەلىسۋ بويىنشا جەكەلەگەن تاۋارلارعا قاتىستى تىيىم سالۋلار مەن سان جاعىنان شەكتەۋلەردى (كۆوتالاردى) ەنگىزەدى؛

- ساۋدا قىزمەتىن رەتتەۋ سالاسىنداعى ۋاكىلەتتى ورگانمەن كەلىسۋ بويىنشا كۆوتالاردى ءبولۋ ءتارتىبىن ازىرلەيدى جانە بەكىتەدى؛

- ساۋدا قىزمەتىن رەتتەۋ سالاسىنداعى ۋاكىلەتتى ورگانمەن كەلىسۋ بويىنشا سىرتقى ساۋدا قىزمەتىنە قاتىسۋشىلار اراسىندا جەكەلەگەن تاۋارلاردى اكەتۋگە جانە (نەمەسە) اكەلۋگە سان جاعىنان شەكتەۋلەردى (كۆوتالاردى) بولەدى، سونداي-اق كۆوتالار مولشەرىن جانە ولاردىڭ قولدانىلۋ مەرزىمىن ايقىندايدى؛

- جەكەلەگەن تاۋار تۇرلەرىن قازاقستان اۋماعىنان ەكسپورتتاۋعا جانە (نەمەسە) يمپورتتاۋعا ليتسەنزيا بەرۋ ءتارتىبىن ازىرلەيدى جانە بەكىتەدى؛

- ساۋدا قىزمەتىن رەتتەۋ سالاسىنداعى ۋاكىلەتتى ورگانمەن كەلىسۋ بويىنشا تاۋارلاردىڭ نىسانالى ماقساتىن راستاۋدىڭ ءتارتىبى مەن نىسانىن ازىرلەيدى جانە بەكىتەدى؛

- تاۋارلاردىڭ نىسانالى ماقساتىن راستاۋدى ۇسىنادى.

قاۋلى 5-قىركۇيەكتەن باستاپ كۇشىنە ەندى.