شىعىس قازاقستانداعى ورماندا فوتو تۇسىرمەك بولىپ اعاشقا شىققان ادام قۇلاپ، اۋىر جارالاندى

وسكەمەن. قازاقپارات - شىعىس قازاقستان وبلىسى ريددەر قالاسىنداعى ورماندى ادەمى فوتوعا تۇسىرمەك بولعان تۋريست بيىك اعاشقا ورمەلەپ شىققان.

الايدا اياعى تايىپ قۇلاپ كەتىپ، اۋىر جاراقات العان وعان كومەكتەسۋ ءۇشىن قۇتقارۋشىلار مەن جادەل جاردەم قىزمەتكەرلەرىنە 30 شاقىرىمدى ەڭسەرۋگە تۋرا كەلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءبىر توپ جىگىت ريددەر قالاسىنداعى ورمانعا قىدىرىپ بارعان. ەر ادامداردىڭ ءبىرى ادەمى كورىنىستى فوتوسۋرەتكە تۇسىرمەك بولىپ، بيىك اعاشقا ورمەلەپ شىعادى.

الايدا كەنەت اياعى تايىپ كەتىپ، قۇلاپ تۇسكەن ول اۋىر جاراقات العان. دوستارى بىردەن سول جەرگە جەدەل جاردەم مەن قۇتقارۋشىلاردى شاقىردى.

«زارداپ شەككەن ادامعا جەتۋ ءۇشىن №1-مامانداندىرىلعان ءورت ءسوندىرۋ ءبولىمىنىڭ قۇتقارۋشىلارى مەن دارىگەرلەرگە 30 شاقىرىمدىق جولدى ەڭسەرۋگە تۋرا كەلدى. جەتكەن بويدا مەديتسينا قىزمەتكەرلەرى 1981 -جىلى تۋعان ەر ادامعا العاشقى كومەك كورسەتتى»، - دەلىنگەن اقپاراتتا.

سودان كەيىن قۇتقارۋشىلار ونى تاۋدان جەدەل جاردەم كولىگىنە دەيىن زەمبىلمەن تاسىمالدادى. قازىرگى ۋاقىتتا جاراقات العان ادام مەديتسينالىق مەكەمەگە جاتقىزىلدى.