ۇكىمەتتە باعانى تۇراقتاندىرۋ شارالارى تالقىلاندى
الداعى ماۋسىمارالىق كەزەڭدە جانە قىستا ەلىمىزدىڭ تۇراقتاندىرۋ قورلارىن قالىپتاستىرۋ ءۇشىن وڭتۇستىك وڭىرلەردە كوكونىس جارمەڭكەلەرى وتەدى. ۇكىمەتتە ۆيتسە-پرەمەر سەرىك جۇمانعاريننىڭ توراعالىعىمەن وتكەن كەڭەستە قارقىندى ەگىن جيناۋ ناۋقانى كەزىندە وسى جانە باسقا دا نەگىزگى ازىق- تۇلىك تاۋارلارى باعاسىن تۇراقتاندىرۋ ءۇشىن قابىلدانىپ جاتقان شارالار قارالدى.
ق ر ساۋدا جانە ينتەگراتسيا مينيسترلىگى ساۋدا كوميتەتىنىڭ ءتوراعاسى ايدار ابىلدابەكوۆتىڭ حابارلاۋىنشا، 14-قىركۇيەكتە جامبىل وبلىسىندا پياز جارمەڭكەسى جوسپارلانعان. وعان بارلىق ءوڭىر مەن ءىرى ساۋدا جەلىلەرى شاقىرىلدى.
«پياز باعاسى تومەن كەزدە وڭىرلەر بەلسەندى تۇردە قاجەتتى كولەم بويىنشا كەلىسىم-شارت جاساسۋى قاجەت»، - دەدى ا. ابىلدابەكوۆ.
ساۋدا كوميتەتىنىڭ ءتوراعاسى ەلەكتروندى شوت-فاكتۋرالار (ە ش ف) ارقىلى وندىرۋشىدەن دۇكەن سورەلەرىنە دەيىنگى ءا م ا ت-قا باعا بەلگىلەۋ تىزبەگىن تالداۋ جونىندەگى ۆەدومستۆونىڭ جۇمىسى تۋرالى اقپارات بەردى.
«جىل باسىنان بەرى 814 تىزبەككە تالداۋ جۇرگىزىلدى، 146 فاكت بويىنشا ساۋدا ۇستەمەسىنەن اسىرۋ تاۋەكەلدەرى انىقتالدى. كەيبىر ايماقتاردا ءبىرىنشى ساناتتاعى جۇمىرتقالاردىڭ باعاسى قاتتى وسكەن. ءبىز 5 ءوندىرۋشى بويىنشا ە ش ف-عا جان-جاقتى تالداۋ جۇرگىزدىك، «ۆوروبيەۆ ا. ا.» ج ش س جۇمىرتقا باعاسىن رۇقسات ەتىلگەن ۇستەمەدەن اسىرعانى انىقتالدى، ول قۇس فابريكاسىنان جانە باسقا كوتەرمە ساۋداگەردەن جۇمىرتقا ساتىپ الىپ، ودان 35پايىزدان 131پايىزعا دەيىن پايدا كورىپ وتىرعان. «DOSAUTO KZ» ج ش س «ادەل كۋس» ج ش س-دان جۇمىرتقا الىپ، ساتۋ كەزىندە وعان 71پايىز ۇستەمە قوسىپ وتىرعان»، - دەدى كوميتەت باسشىسى.
كۇرىش بويىنشا باعا جاعدايىن بولەك قاراستىرىلدى. وتكەن اپتادا ءامات باعاسىنىڭ 0,1پايىزعا تومەندەۋىنە قاراماستان، كۇرىشتىڭ قۇنى 1,1پايىزعا ءوستى. اۋىل شارۋاشىلىعى ۆيتسە-ءمينيسترى ەربول تاسجۇرەكوۆتىڭ مالىمەتىنشە، قازىرگى ۋاقىتتا وسى جىلدىڭ ماۋسىم ايىندا قىزىلوردادا وتكەن كۇرىش جارمەڭكەسىنە قاراماستان، 4 ءوڭىر عانا (اقمولا، قوستاناي جانە تۇركىستان وبلىستارى، شىمكەنت ق. ) وسى جارمانىڭ ءۇش ايعا قاجەتتى كولەمى بويىنشا كەلىسىمشارتقا وتىرعان. اۋتسايدەرلەر – ش ق و (قاجەتتىلىكتەن 9پايىز)، ب ق و - 22پايىز، اقتوبە - 36پايىز.
سونداي-اق، كەڭەستە ەلىمىزدەگى جەكەمەنشىك كوكونىس قويمالارىن ەسەپكە الۋ ماسەلەسى تالقىلاندى، بۇل كوكونىستەرمەن قامتاماسىز ەتۋ بويىنشا ستاتيستيكا مەن تالداۋ ساپاسىن جاقسارتۋعا مۇمكىندىك بەرەدى.
كەڭەس قورىتىندىسى بويىنشا سەرىك جۇمانعارين كوكونىستەردى ساقتايتىن بارلىق نىساندى ەسەپكە قويۋ بويىنشا جۇمىس جۇرگىزۋدى، وڭىرلەرگە تۇراقتى باعانى قامتاماسىز ەتۋ ءۇشىن نەگىزگى ازىق- تۇلىك تاۋارلارىنىڭ قاجەتتى قورىن قالىپتاستىرۋ جۇمىستارىن كۇشەيتۋدى تاپسىردى.
