ءاليحان سمايىلوۆ قاشاعانداعى گاز وڭدەۋ نىساندارىنىڭ قۇرىلىسىن تەزدەتۋدى تاپسىردى
كەزدەسۋدە كونسورتسيۋم قىزمەتىندەگى وزەكتى ماسەلەلەر، جاڭا ينۆەستيتسيالىق جوبالاردى جۇزەگە اسىرۋ جانە رەسپۋبليكانىڭ تابيعاتتى قورعاۋ زاڭناماسىنىڭ ساقتالۋى تالقىلاندى.
ۇكىمەت باسشىسى ەلىمىزدى مۇناي-گاز رەسۋرستارىمەن قامتاماسىز ەتۋدە قاشاعاننىڭ ءرولى ماڭىزدى ەكەنىن اتاپ ءوتتى. بۇل تەك ءوندىرۋ وپەراتسيالارىنا عانا ەمەس، سونىمەن بىرگە كومىرسۋتەك شيكىزاتىن كەشەندى وڭدەۋگە دە قاتىستى. وسىعان بايلانىستى مەملەكەت باسشىسىنىڭ حالىققا جولداۋىنداعى تاپسىرمالارىن جۇزەگە اسىرۋ شەڭبەرىندە گاز وڭدەۋ قۋاتىن ارتتىرۋ ءۇشىن جاڭا زاۋىتتاردىڭ قۇرىلىسىن تەزدەتۋ قاجەتتىگى ايتىلدى.
بۇدان بولەك، پرەمەر-ءمينيستردىڭ ايتۋىنشا، كونسورتسيۋمنىڭ نەگىزگى مىندەتى ەكولوگيالىق قاۋىپسىزدىكتى قامتاماسىز ەتە وتىرىپ، كەن ورىندارىن تولىق يگەرۋ ماسەلەلەرى بولۋعا ءتيىس.
«ءبىز كونسورتسيۋمنىڭ مۇناي- گاز سالاسىن دامىتۋعا قوسقان ۇلەسىن جوعارى باعالايمىز جانە ۇزاقمەرزىمدى ىنتىماقتاستىقتى ودان ءارى كەڭەيتۋگە مۇددەلىمىز»، - دەدى ءاليحان سمايىلوۆ.
كەزدەسۋ قورىتىندىسى بويىنشا تاراپتار ينۆەستيتسيالىق جوبالاردى جۇزەگە اسىرۋ بارىسىندا تۋىندايتىن بارلىق ماسەلەلەردى قر زاڭناماسىندا بەكىتىلگەن قۇقىقتار مەن مىندەتتەردى ساقتاي وتىرىپ، سىندارلى جولمەن شەشۋگە دايىن ەكەندىگىن ءبىلدىردى.
