پرەزيدەنت ۇلتتىق قاۋىپسىزدىك كوميتەتىنە جاڭا مىندەتتەر جۇكتەمەك

استانا. قازاقپارات - ۇلتتىق قاۋىپسىزدىك كوميتەتىنە قوسىمشا قۇزىرەتتەر بەرۋدى كوزدەيتىن پرەزيدەنت جارلىعىنىڭ-جوباسى اشىق تالقىعا شىعارىلدى، دەپ حابارلايدى قازاقپارات ءتىلشىسى.

اشىق ن ق ا پورتالىندا جاريالانعان قۇجاتتا جازىلعانداي، اتالعان ۆەدومستۆوعا مىنا فۋنكتسيالار بەرىلمەك:

- ۇلتتىق قاۋىپسىزدىك ورگاندارىنىڭ قىزمەتكەرلەرى مەن اسكەري قىزمەتشىلەرىن، سونداي-اق ازاماتتىق كونتينگەنتىن مەملەكەتتىك ناگرادالارىمەن ناگرادتاۋ تۋرالى ۇسىنىس جاساۋ قاعيدالارىن ازىرلەۋ جانە بەكىتۋ؛

- ۇلتتىق قاۋىپسىزدىك كوميتەتى اسكەري پوليتسياسى ورگاندارىنىڭ پروفيلاكتيكالىق ەسەپكە الۋدى جۇرگىزۋ جانە پروفيلاكتيكالىق باقىلاۋدى جۇزەگە اسىرۋ قاعيدالارىن ازىرلەۋ جانە بەكىتۋ؛

- تەحنيكالىق بارلاۋعا قارسى ءىس-قيمىل قاعيدالارىن ازىرلەۋ جانە بەكىتۋ؛

- اقپاراتتى جانە تەحنيكالىق قۇرالداردى قورعاۋ تيىمدىلىگىنىڭ نورمالارىن جانە ولاردىڭ قورعالۋىن باعالاۋ ادىستەمەسىن ازىرلەۋ جانە بەكىتۋ؛

- بولىنگەن بيۋجەت شەگىندە ۇلتتىق قاۋىپسىزدىك كوميتەتىنىڭ اقپاراتتى تەحنيكالىق قورعاۋ جانە مەملەكەتتىك قۇپيالاردى قورعاۋ سالاسىندا ماماندار دايارلاۋ ورتالىعىندا مامانداردى دايارلاۋ، قايتا دايارلاۋ جانە بىلىكتىلىگىن ارتتىرۋ كۋرستارى بويىنشا وقىتۋشىلاردىڭ قىزمەتىن تولەۋ ءۇشىن 1 اكادەميالىق ساعاتىنىڭ قۇنىن بەلگىلەۋ؛

- ۇلتتىق قاۋىپسىزدىك ورگاندارىنىڭ قارسى بارلاۋ، بارلاۋ، جەدەل-ىزدەستىرۋ قىزمەتىن جانە تەرگەۋ ارەكەتتەرىن پسيحولوگيالىق سۇيەمەلدەۋدى ۇيىمداستىرۋ جانە جۇزەگە اسىرۋ قاعيدالارىن ازىرلەۋ جانە بەكىتۋ؛

- ۇلتتىق قاۋىپسىزدىك ورگاندارىندا اسكەري قىزمەتشىلەردىڭ قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل تۋرالى زاڭناماسىنىڭ تالاپتارىن ساقتاۋىنا تەكسەرۋلەردى جۇزەگە اسىرۋ قاعيدالارىن ازىرلەۋ جانە بەكىتۋ؛

جارلىق-جوباسى 19- قىركۇيەككە دەيىن كوپشىلىك تالقىلاۋدا بولادى.