كوروناۆيرۋستىڭ جاڭا شتامى ءورشىپ كەلەدى - د د س ۇ باسشىسى
كەشە جەنەۆادا ءسوز سويلەگەن ۇيىم باسشىسى تەدروس ادحانوم گەبرەيسۋس سولتۇستىك جارتى شاردا قىس مەزگىلى الدىندا «الاڭدايتىن ۇردىستەر» بايقالىپ وتىرعانىن ايتتى.
ونىڭ ايتۋىنشا، تاياۋ شىعىس پەن ازيادا ءولىم-ءجىتىم ارتىپ كەلەدى، ال ەۋروپادا كوروناۆيرۋستىڭ وسى نۇسقاسىن جۇقتىرىپ، قارقىندى تەراپيا بولىمىنە تۇسكەن ناۋقاستار سانى ءوسىپ، ءبىرقاتار ايماقتا اۋرۋحاناعا تۇسكەندەر سانى كوبەيگەن.
ۇيىمنىڭ COVID-19 ۆيرۋسىمەن كۇرەس جۇرگىزۋ جونىندەگى تەحنيكالىق جەتەكشىسى ماريا ۆان كەركحوۆە «بۇل نۇسقا اينالىمداعى باسقا شتامداردى ىعىستىرمايتىنىن» جانە بۇل جاعداي ۇيىمدى قاتتى الاڭداتىپ وتىرعانىن ايتتى.
گەبرەيەسۋس «COVID-19 ۆاكسيناسىنىڭ دوزاسىن الماعان ادامدار اراسىنداعى يممۋنداۋ دەڭگەيىنىڭ تومەندىگى - ۇلكەن پروبلەمالاردىڭ ءبىرى» ەكەنىن اتاپ ءوتتى.
«ەگەر سىزگە ۆاكسينانىڭ قوسىمشا دوزاسىن الۋ ۇسىنىلسا، تارتىنباڭىز»، - دەپ قوسىپ ءوتتى د د س ۇ باسشىسى.
