شامالعان ستانتسياسىنداعى اينالما جول قاشان سالىنىپ بىتەدى
شامالعان ستانتسياسىنداعى اينالما جولدىڭ ۇزىندىعى - 6 شاقىرىم. قازىرگى ۋاقىتتا جوبانىڭ %70 دان استامى ىسكە اسىرىلعان. جولدىڭ تومەنگى قاباتى بويىنشا 3 كيلومەتر جانە جوعارعى قاباتتىڭ 2 شاقىرىمى توسەلگەن، ەستاكادا مەن 2 كوپىردىڭ قۇرىلىسى اياقتالۋعا جاقىن.
جول ۋچاسكەسىن 2022-جىلى پايدالانۋعا بەرۋ جوسپارلانعان بولاتىن. وسى ورايدا، مينيستر جوبانى وسى جىلدىڭ سوڭىنا دەيىن اياقتاۋدى تاپسىردى.
«بۇل ۋچاسكە شامالعان ستانتسياسىنداعى كولىك اعىنىن تومەندەتۋگە ىقپال ەتىپ، كەپتەلىستى ازايتۋعا جانە ەكولوگيالىق جاعدايعا وڭ اسەر ەتەدى. قازىرگى تاڭدا كولىك قوزعالىسى ۇزىندىعى 9 كيلومەتر اۆتوجولدىڭ ەسكى ۋچاسكەسى بويىنشا جۇزەگە اسىرىلىپ وتىر. مەردىگەرلەردىڭ الدىنا جىلدىڭ سوڭىنا دەيىن شامالعان بويىنشا جول قوزعالىسىن قامتاماسىز ەتۋ مىندەتى قويىلدى»، - دەپ اتاپ ءوتتى مينيسترلىك باسشىسى.
سونداي-اق، بۇگىن مارات قارابايەۆ «سارىوزەك-كوكتال» (45-68 كيلومەتر) اۆتوجولىنىڭ ۋچاسكەسىندە ءجۇرىپ جاتقان كۇردەلى جوندەۋ جۇمىستارىن باعامداپ، «قورعاس» قۇرعاق پورتىنىڭ جۇمىسىمەن تانىستى.
