قىلمىستىق توپ قۇرىپ، رەيدەرلىكپەن اينالىسقان: ەلدوس قوسپايەۆ پەن ونىڭ سىبايلاستارى تەرگەلىپ جاتىر

استانا. قازاقپارات - قارجىلىق مونيتورينگ اگەنتتىگى بۇعان دەيىن حالىقارالىق ىزدەۋدە بولعان ۇيىمداسقان قىلمىستىق توپ مۇشەلەرى ەلدوس قوسپايەۆ، ايدوس قوسپايەۆ، ايبەك قوسپايەۆ، رۋسلان شالين، وكسانا كۋدرياشوۆا، الەكسەي كۋزنەتسوۆ، ەرلان يماشيەۆ ۇستالىپ، سوت شەشىمىمەن ۋاقىتشا ۇستاۋ يزولياتورىنا قامالعانى تۋرالى حابارلايدى.

ەسكە سالايىق، قىلمىستىق توپ كۇش قولدانىپ، قوقان-لوققى جاساپ، كاسىپكەرلەردىڭ مۇلكىن باسىپ الۋ، سونداي-اق الماتى قالاسى مەن الماتى وبلىسى اۋماعىندا كولەڭكەلى كاسىپكەرلىكتى جۇزەگە اسىردى دەگەن كۇدىككە ىلىنگەن.

رەيدەرلىك تاركىلەۋ جانە زاڭسىز ارەكەتتەرگە قاتىسى بار تۇلعالاردى انىقتاۋ بويىنشا سوتقا دەيىنگى تەرگەۋ جالعاسۋدا.

ق ر ق پ ك 201-بابىنا سايكەس وزگە دە مالىمەتتەر جاريا ەتىلۋگە جاتپايدى.

ق ر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قىلمىستىق- پروتسەستىك كودەكسىنىڭ 19-بابىنىڭ 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.

وسىعان دەيىن سولتۇستىك كيپردەن قازاقستانعا ەلدوس كوسپايەۆ پەن ول باستاعان قىلمىستىق توپتىڭ 7 مۇشەسى جەتكىزىلگەنىن جازدىق.