وڭتۇستىك كورەيادا قازاقستاندىق ەرلى- زايىپتى ۇستالدى

استانا. قازاقپارات - وڭتۇستىك كورەيادا قازاقستاندىق ەرلى-زايىپتى ۇستالدى. ولار 100 دەن استام قازاقستاندىق پەن رەسەيلىك ازاماتقا جالعان قۇجات جاسادى دەگەن كۇدىككە ءىلىندى، دەپ حابارلايدى وڭتۇستىك كورەيالىق Nate News پورتالى.

باسىلىمنىڭ جازۋىنشا، وڭتۇستىك كورەيادا ەلدىڭ يمميگراتسيالىق باقىلاۋ تۋرالى زاڭىن بۇزدى دەگەن كۇدىكپەن قازاقستاندىق ەرلى-زايىپتى ۇستالعان.

ولار رەسەيلىك جانە قازاقستاندىق 117 ازاماتقا جالعان قۇجات جاسادى دەگەن كۇدىككە ىلىنگەن.

پورتالدىڭ مالىمەتىنشە، ۇستالعان 33 جاستاعى ەر ادام مەن 32 جاستاعى ايەل ادام.

جالعان قۇجاتتار قاڭتار مەن شىلدە ارالىعىندا جاسالعان. سونداي-اق باسىلىمنىڭ اقپاراتىنشا، ەرلى-زايىپتى قۇجات جاساپ بەرگەن 117 ادامنىڭ 21 ءى انىقتالىپ، ەلدەن شىعارىلعان. قالعان قۇقىقبۇزۋشىلاردىڭ كىم ەكەنى انىقتالۋدا.

سونىمەن قاتار باسىلىمنىڭ جازۋىنشا، بۇل قىزمەت تۋرالى حابارلاما Telegram-دا جاريالانعان، وندا بوسقىن ۆيزاسىن العىسى كەلەتىندەرگە قۇجاتتى ءبىر كۇندە جاساۋعا بولاتىنى جازىلعان.