جانات ەشماعامبەتوۆ اتسابار تۇرمەسىندەگى ازاپتاۋ تۋرالى: قىزمەتكەرلەر كۇش قولدانباۋى كەرەك ەدى
«مەن قىلمىستىق- پروتسەسسۋالدىق مامان ەمەسپىن نەمەسە تەرگەۋشى ەمەسپىن. قازىر ارنايى پروكۋراتۋرا سوتقا دەيىنگى قىلمىستىق تەرگەۋ جۇرگىزىپ جاتىر. ءبىز بەينەجازبانى تىڭعىلىقتى زەردەلەدىك. كوميتەت ءتوراعاسىنىڭ ءبىرىنشى ورىنباسارى باستاعان قىزمەتكەرلەر وقيعا ورنىنا باردى.
مەنىڭ پىكىرىمشە، بۇل قىزمەت بابىن ايقىن ارتتىرۋ بولدى. بەينەجازبادان كورگەنىمىز - سوتتالۋشىلار بەلسەندى قارسىلىق كورسەتپەگەن. زاڭدى تالاپتى ورىنداماۋ بولدى. مۇنداي جاعدايدا ارنايى قۇرال مەن كۇش قودانىلمايدى»، - دەدى ول.
سونداي- اق، سوتتالۋشىعا كۇش قولدانعان قىزمەتكەرلەر ءتارتىپ بويىنشا قالاي ارەكەت ەتۋ كەرەك بولعانىن ايتتى.
«ءبىزدىڭ پىكىرىمىزشە، زاڭدى تالاپتارعا باعىنباۋ ارەكەتى بەينەتىركەۋگە ءتۇسىرىلۋى كەرەك ەدى. سودان كەيىن حاتتاما تولتىرىلىپ، ءتارتىپ يزولياتورىنا جىبەرۋ تۋرالى قاۋلى قابىلدانۋى كەرەك بولعان. بۇل سوتتالۋشىلار شىنىمەن دە قىزمەتكەرلەردىڭ زاڭدى تالاپتارىن ورىنداماعان. ءبىراق بۇل ارنايى قۇرالداردى قولدانۋعا رۇقسات بەرمەيدى. ىقپال ەتۋدىڭ باسقا دا تۇرلەرى بار. ونىڭ ءبارى زاڭدا كورسەتىلگەن. ءبىراق مەن قايتالاپ ايتام، تۇپكىلىكتى شەشىمدى تەرگەۋ ورگاندارى شىعارادى»، - دەدى جانات ەشماعامبەتوۆ.
ەسكە سالساق، اقمولا وبلىسىنىڭ اتباسار تۇرمەسىندەگى سوتتالعاندارعا قاتىستى كۇش قولدانۋ دەرەگى بويىنشا پروكۋراتۋرا سوتقا دەيىنگى تەرگەۋدى باستالعانىن جازعان ەدىك.
كەيىن وسى وقيعاعا بايلانىستى امولا وبلىستىق وبلىستىق قىلمىستىق- اتقارۋ جۇيەسى دەپارتامەنتىنىڭ باستىعى قىزمەتىنەن شەتتەتىلدى.
