الەمنىڭ جارتى بولىگىن سۋ باستى

استانا. قازاقپارات - اسىرەسە تۇركيا، گرەكيا، يسپانيا، برازيليانىڭ كوپ بولىگى كولگە اينالدى. جول، كولىك قوزعالىسى توقتاپ، تۇرعىندار سۋسىز، جارىقسىز قالدى.

سۋ تاسقىنى يسپانيانىڭ ۆيليامانتا اۋماعىن تۇگەلدەي باستى. 3 ادام قايتىس بولىپ، ۇشەۋى ءىز- ءتۇزسىز جوعالىپ كەتكەن. تۇرعىندار تۇراعىنان ايرىلىپ، عيماراتتار مەن مەكتەپتەر قيراپ قالدى. مادريد، كاتالونيا، ۆولەنسيا پروۆينتسيالارىندا جاۋىن- شاشىن سالدارىنان كوشەلەر لايعا اينالدى. وزگە اۋدانداردا بۇرشاق جاۋىپ، ەل ينفراسترۋكتۋراسىنا مول شىعىن كەلىپ وتىر.

ۆيكتور، تۇرعىن:

- بۇنداي اپاتتى بۇرىن- سوڭدى كورمەدىم. بۇل جەردە بالالىق شاعىم ءوتتى. ال قازىر كۇل- تالقانى شىقتى.

ال گرەكيادا جاڭبىردان كەيىن، قاتتى داۋىل سوعىپ 6 ادام قازا بولدى. دۇلەي جەل ۇيلەردىڭ شاتىرلارىن ۇشىرىپ، تالدار مەن ەلەكتر باعانالارىن قۇلاتىپ، كوپىرلەردى قيراتتى. قازىر جوعالعان 4 ادام ىزدەستىرىلىپ جاتىر. گرەكيا ۇكىمەتى بۇل تاسقىندى بۇرىن سوڭدى بولماعان تابيعي اپات دەپ مالىمدەدى.

نيل مارشالل، تۇرعىن:

- مەن بانگلادەشتىڭ ءىرى مۋسسوندارىن، گونكونكتىڭ تايفۋنىن كوردىم. ال بۇل سولاردان دا سوراقىسى بولدى.

مەتەورولوگتاردىڭ مالىمەتىنشە، جاۋىن- شاشىن اپتا سوڭىنا دەيىن جالعاسادى.

اۆتورى: داۋرەن اقاش ۇلى

www.24.kz