استانا مەكتەپتەرىندە ورىن تاپشىلىعى بار - ەلوردا اكىمىنىڭ ورىنباسارى

استانا. قازاقپارات - استانا قالاسىنىڭ كوممۋنيكاتسيالار قىزمەتىندە وتكەن بريفينگىدە ەلوردا اكىمىنىڭ ورىنباسارى ەسەت بايكەن ءبىلىم بەرۋ ۇيىمدارىنىڭ جاڭا وقۋ جىلىنا دايىندىعى جايلى باياندادى، دەپ حابارلايدى قازاقپارات ءتىلشىسى.

«بۇگىنگى تاڭدا بىزدە وقۋشى ورىندارىنىڭ تاپشىلىعى بار. تيىسىنشە مەكتەپ سالۋ قاجەتتىلىگى تۋىندايدى. ءۇش اۋىسىمدى ءبىلىم بەرۋدى جانە مەكتەپتەردىڭ تولۋىن بولدىرماۋ ماقساتىندا بۇگىنگى تاڭدا 14 مەكتەپتىڭ قۇرىلىسى جۇرگىزىلۋدە. ونىڭ 11 ءى بيىل پايدالانۋعا بەرىلەدى، 11 نىساننىڭ تورتەۋى 1- قىركۇيەكتەن باستاپ جۇمىس ىستەي باستادى»، - دەدى ەسەت بايكەن.

ونىڭ ايتۋىنشا، بيىل ەلورداداعى 49 ءبىلىم بەرۋ نىسانىنا جوندەۋ جۇرگىزىلگەن.

«بۇگىنگى تاڭدا قالانىڭ بارلىق وقۋ ورىندارى سيفرلىق بەينەباقىلاۋ جۇيەسىمەن قامتاماسىز ەتىلىپ، اۆتوماتتى ءورت دابىلىنا قوسىلعان. بارلىق وقۋ ورىندارىندا 1 ساناتتى ليتسەنزياسى بار كۇزەت كومپانيالارى قىزمەت كورسەتەدى. سونداي-اق ءبىلىم بەرۋ وبەكتىلەرى %100 تۋرنيكەتپەن قامتاماسىز ەتىلگەن»، - دەپ توقتالدى اكىمنىڭ ورىنباسارى.

ەلوردادا 169 مەكتەپ بار. ونىڭ ىشىندە 101 ءى مەملەكەتتىك، 61 ءى جەكەمەنشىك، 7 ءى رەسپۋبليكالىق. سونداي-اق، «جايلى مەكتەپ» ۇلتتىق جوباسى اياسىندا 90 مىڭ ورىندىق 24 مەكتەپ سالىنادى.