مينيستر قازاقستان ءوز الاڭىندا فينليانديادان ۇتىلعانىنا قاتىستى ويىن ايتتى
بۇل تۋرالى مينيستر Facebook-پاراقشاسىندا ءبولىستى. ونىڭ ايتۋىنشا، جانكۇيەرلەردىڭ قولداۋى جوعارى دەڭگەيدە بولعان.
«وكىنىشكە قاراي، بۇگىن ءبىزدىڭ كوماندا جەڭە المادى، ءبىراق بۇل سپورت، وندا جەڭىس پەن جەڭىلىستەر قاتار جۇرەدى. سپورتشىلارىمىز سوڭعى ساتكە دەيىن بارىن سالدى. ناتيجەگە قاراماستان، كوماندا لايىق ويىن كورسەتتى. ستاديوندى تولتىرعان جانكۇيەرلەردى بولەك اتاپ وتكىم كەلەدى. قولداۋ جوعارى بولدى. سولتۇستىك يرلانديامەن ويىندا دا وسىنداي ىستىق قولداۋ بولادى دەپ ۇمىتتەنەمىن. ال ءبىزدىڭ جىگىتتەرىمىزگە جەكسەنبىلىك ماتچتا جەڭىس تىلەيمىن. ءبىز سىزدەرمەن ءارقاشاندا بىرگەمىز!»، - دەپ جازدى ول.
ەكە سالايىق، فۋتبولدان 2024-جىلعى ەۋروپا چەمپيوناتىنا ىرىكتەۋ كەزەڭى اياسىندا وتكەن كەزدەسۋدە قازاقستان ۇلتتىق قۇراماسى فينلياندياعا جول بەرگەن ەدى. «استانا ارەنادا» وتكەن ويىندا قوناقتار 0:1 ەسەبىمەن جەڭىسكە جەتتى.
