تارازداعى شاعىن قارجى مەكەمەسىنىڭ ديرەكتورى ءوز فيرماسىن توناعان

تاراز. قازاقپارات - سپورتتىق قۇمار ويىن سالدارىنان قارىزعا باتقان تاراز قالاسىنداعى شاعىن قارجى مەكەمەسىنىڭ ديرەكتورى ءوز فيرماسىن توناعان، دەپ حابارلايدى قازاقپارات ءى ءى م- نە سىلتەمە جاساپ.

«7- قىركۇيەكتە تاراز قالاسىنىڭ «102» ارناسىنا شاعىن قارجى مەكەمەسىنە توناۋ جاسالعانى تۋرالى حابارلاما ءتۇستى.

پوليتسەيلەر كەلگەننەن كەيىن سول مەكەمە فيليالىنىڭ 47 جاستاعى ديرەكتورى كاسسيردى دارەتحانا بولمەسىنە قاماپ، كاسسادان 24,5 ميلليون تەڭگە كولەمىندەگى اقشانى يەمدەنىپ، بەلگىسىز باعىتقا قاشىپ كەتكەنى انىقتالدى»، - دەپ جازدى ۆەدومستۆودان.

وسى دەرەككە قاتىستى ق ر ق ك 191-بابىنىڭ 4-بولىگى (اسا ءىرى مولشەردە جاسالعان توناۋ) بويىنشا قىلمىستىق ءىس تىركەلدى.

جەكە قۇرامعا شۇعىل باعدار بەرىلىپ، «توسقاۋىل» جوسپارى ەنگىزىلدى. سونداي- اق وزگە دە جەدەل ءىس- شارالار كەشەنى جۇرگىزىلدى، ونىڭ ىشىندە توناۋشىنىڭ تۋىستارىمەن جانە اينالاسىنداعى جاقىن ارالاساتىن ادامدارمەن بايلانىس جاسالىپ، ناتيجەسىندە كۇدىكتى قالا اۋماعىنان تىس جاسىرىنىپ ۇلگەرمەي، ءوز ەركىمەن ۇرلانعان اقشانى الىپ، پوليتسيا ورگانىنا كەلۋگە ءماجبۇر بولدى.