وسكەمەن قالاسىنىڭ اكىمى اۋىسۋى مۇمكىن

وسكەمەن. قازاقپارات - وسكەمەن قالاسىنىڭ اكىمى اۋىسۋى مۇمكىن، دەپ حابارلايدى قازاقپارات ءتىلشىسى.

11- قىركۇيەك كۇنى ساعات 12.00 دە ءوڭىر اكىمدىگىندە شىعىس قازاقستان وبلىسى ءماسليحاتىنىڭ كەزەكتەن تىس التىنشى سەسسياسى وتەدى.

«سەسسياعا ۇسىنىلاتىن كۇن ءتارتىبى - شىعىس قازاقستان وبلىسىنىڭ پيلوتتىق وڭىرلەرىنىڭ تىزبەسىن جانە اۋدان، وبلىستىق ماڭىزى بار قالا اكىمىن سايلاۋدى وتكىزۋ كۇنىن بەلگىلەۋ تۋرالى. دەپۋتاتتار مەن شاقىرىلعانداردى تىركەۋ ساعات 11.00 دە باستالادى»، - دەلىنگەن وبلىستىق ءماسليحاتتىڭ حابارلاندىرۋىندا.

مەملەكەت باسشىسى قاسىم-جومارت توقايەۆ الداعى ەكى جىلدا اۋدان جانە وبلىستىق ماڭىزى بار قالا اكىمدەرىنىڭ سايلاۋى وتەتىندىگىن ايتقان بولاتىن. شىعىس قازاقستاندا وبلىسىندا وسكەمەن قالاسى عانا وبلىستىق ماڭىزى بار قالاعا جاتادى.

ەسكە سالايىق، بۇگىن اباي وبلىسى ءماسليحاتىنىڭ كەزەكتەن تىس جەتىنشى سەسسياسى ءوتتى. وندا پيلوتتىق وڭىرلەر بولىپ تابىلاتىن كۋرچاتوۆ قالاسى مەن اباي اۋدانى اكىمدەرىنىڭ سايلاۋى 5- قاراشاعا بەلگىلەندى.