البانيا باسشىسى ق ر پرەزيدەنتىنىڭ ءىس باسقارماسى مەديتسينالىق ورتالىعىنىڭ اۋرۋحاناسىنا باردى

استانا. قازاقپارات - قازاقستانعا رەسمي ساپارى اياسىندا البانيا پرەزيدەنتى بايرام بەگاي ق ر پرەزيدەنتىنىڭ ءىس باسقارماسى (ق ر پ ءى ب) مەديتسينالىق ورتالىعىنىڭ اۋرۋحاناسىنا باردى، دەپ حابارلايدى قازاقپارات.

ق ر پ ءى ب مەديتسينالىق ورتالىعىنىڭ باسشىسى الەكسەي سوي دەلەگاتسيانى اۋرۋحانا قىزمەتىمەن تانىستىردى. قوناقتار كلينيكانىڭ زاماناۋي جابدىقتار قويىلعان بلوكتارىن، كلينيكالىق فارماكولوگيا، تەراپيا بولىمدەرىن، ەمدەۋ جانە وڭالتۋ ورتالىعىن ارالادى.

البانيا پرەزيدەنتى بايرام بەگاي قازاقستانمەن ارادا مەديتسينالىق قىزمەت كورسەتۋ سالاسىنداعى تاجىريبە الماسۋدىڭ ماڭىزدىلىعىن اتاپ ءوتتى.

ايتا كەتەيىك، دياگنوستيكا مەن ەمدەۋ شارالارىنىڭ كەڭ سپەكترىن ۇسىناتىن، زاماناۋي مەديتسينالىق جابدىقتارمەن جاراقتالعان ق ر پ ءى ب مەديتسينالىق ورتالىعىنىڭ اۋرۋحاناسى ەلىمىزدەگى ەڭ وزىق كلينيكالاردىڭ ءبىرى سانالادى. حالىققا جوعارى ساپالى مەديتسينالىق قىزمەت تۇرلەرىن كورسەتەتىن اۋرۋحانا بۇعان دەيىن JCI (Joint Commission International) حالىقارالىق ستاندارتتارىنىڭ تالاپتارى بويىنشا بىرنەشە رەت اككرەديتتەۋدەن ءساتتى وتكەن بولاتىن.