گولوۆكين قازاقستان فۋتبولشىلارىن قولداۋ ءۇشىن استاناعا ۇشىپ شىقتى

استانا. قازاقپارات - قازاقستاننىڭ كاسىپقوي بوكسشىسى گەننادي گولوۆكين فۋتبولدان 2024 -جىلعى ەۋروپا چەمپيوناتىنا ىرىكتەۋ كەزەڭى اياسىندا وتەتىن قازاقستان - سولتۇستىك يرلانديا ماتچىن تاماشالاۋ ءۇشىن نيۋ-يوركتەن استاناعا ۇشىپ شىقتى، دەپ حابارلايدى قازاقپارات.

«جاقىندا ۇيدە بولامىز. ۇلتتىق قۇرامامىزدى قولداۋ ءۇشىن 10-قىركۇيەكتە فۋتبولدا كەزدەسەمىز»، - دەپ جازدى گ. گولوۆكين Instagram-پاراقشاسىندا.

قازاقستان مەن سولتۇستىك يرلانديا قۇرامالارىنىڭ ويىنى 10-قىركۇيەك كۇنى ەلورداداعى «استانا- ارەنا» ستاديونىندا وتەدى. باستالۋى - ساعات 19.00-دە.

ەسكە سالايىق، كەشە 2024 -جىلعى ەۋروپا چەمپيوناتىنا ىرىكتەۋ كەزەڭى اياسىندا «استانا- ارەنادا» قازاقستان فينليانديامەن كەزدەسىپ، 0:1 ەسەبىمەن جەڭىلىس تاپتى.

5 تۋردان كەيىن ن توبىنىڭ تۋرنيرلىك كەستەسى كەلەسىدەي قالىپتاسىپ وتىر: فينليانديا - 12 ۇپاي، دانيا - 10 ۇپاي، سلوۆەنيا - 10 ۇپاي، قازاقستان - 9 ۇپاي، سولتۇستىك يرلانديا - 3 ۇپاي، سان- مارينو - 0 ۇپاي.