ەۋروپا چەمپيوناتىنا قازاقستان قۇراماسى ءتورتىنشى ورىنعا سىرعىدى
اتالعان توپتاعى دانيا ءوز الاڭىندا سان-مارينو قۇراماسىن قابىلدادى.
كەزدەسۋ بارىسىندا دانيالىق فۋتبولشىلار قارسىلاسىن 4:0 ەسەبىمەن باسىم ءتۇستى.
تاعى ءبىر كەزدەسۋدە سلوۆەنيا سولتۇستىك يرلانديانى 4:2 ەسەبىمەن تىزە بۇكتىردى.
ەسكە سالساق، اتالعان توپتا بەسىنشى تۋردا قازاقستان قۇراماسى ءوز الاڭىندا فينلياندياعا ەسە جىبەردى.
بەسىنشى تۋردان كەيىن اتالعان توپتا 12 ۇپايمەن فينليانديا كوش باستاپ تۇرسا، ودان كەيىنگى ورىندارداعى دانيا مەن سلوۆەنيانىڭ ەنشىسىندە 10 ۇپاي بار.
ال قازاقستان 9 ۇپايمەن ءتورتىنشى ورىنعا سىرعىدى.
ايتا كەتسەك، ەل قۇراماسى اتالعان ويىنعا دەيىن ءتورت كەزدەسۋ وتكىزدى.
قازاقستاندىق فۋتبولشىلار سلوۆەنيادان 1:2 ەسەبىمەن جەڭىلسە، دانيانى (3:2)، سان-مارينونى (3:0)، سولتۇستىك يرلانديانى (1:0) ەسەبىمەن قاپى قالدىردى.
سونداي-اق، كەشە B ،E ،G توپتارىندا ويىندار وتكىزىلدى.
B توبىندا فرانسيا يرلانديادان - 2:0، نيدەرلاند گرەكيادان - 3:0 ەسەبىمەن باسىم ءتۇستى.
E توبىندا ليتۆا مەن چەرنوگوريا 2:2 ەسەبىمەن تەڭ ويناسا، سەربيا ۆەنگرياعا 1:2 ەسەبىمەن ۇتىلدى.
ال G توبىندا چەحيا مەن البانيا 1:1 ەسەبىنە قاناعات بىلدىرسە، پولشا فارەر ارالدارىن 2:0 ەسەبىمەن جەڭدى.
اۆتور:
ءادىلجان ۇمبەت
