تيمۋر قۇلىبايەۆ جاڭا قىزمەتكە تاعايىندالدى
حالىقارالىق وليمپيادا كوميتەتى پرەزيدەنتى توماس باح ءتيىستى حاتتى ۇلتتىق وليمپيادا كوميتەتىنە تابىستادى.
«بيىلعا ارنالعان ح و ك (حالىقارالىق وليمپيادا كوميتەتى) كوميسسيالارى قۇرامىن قاراپ، مەن ءسىزدى «وليمپيزم 365» ح و ك كوميسسياسىنىڭ مۇشەسى ەتىپ تاعايىنداۋعا شەشىم قابىلداعانىما قۋانىشتىمىن. كوميسسيا جۇمىسىنا قوسقان قۇندى ۇلەسىڭىز ءۇشىن العىس ايتامىز»، - دەلىنگەن حابارلامادا.
ايتا كەتەيىك، تيمۋر قۇلىبايەۆ - 2022-جىلدان باستاپ «وليمپيزم 365» ح و ك كوميسسياسىنىڭ مۇشەسى. بۇرىن ول سپورت ارقىلى قوعاممەن بايلانىس جانە الەۋمەتتىك دامۋ جونىندەگى كوميسسيا دەپ اتالعان ەدى، وندا ق ر ۇ و ك پرەزيدەنتى 2017-جىلدان 2022-جىلعا دەيىن كوميسسيا مۇشەسى بولدى. 2022-جىلعى قىركۇيەكتە ح و ك پرەزيدەنتى توماس باح ح و ك كوميسسيالارىنىڭ قىزمەت باعىتتارىن قايتا قاراۋ جانە كەڭەيتۋ ناتيجەسىندە ونىڭ اتاۋىن «وليمپيزم 365» ح و ك كوميسسياسى دەپ وزگەرتتى.
ال تيمۋر قۇلىبايەۆ 2023-2026-جىلدار كەزەڭىنە ازيا وليمپيادالىق كەڭەسىنىڭ (ا و ك) ۆيتسە- پرەزيدەنتى لاۋازىمىنا قايتا سايلاندى. سونداي-اق، ول - ۇلتتىق وليمپيادالىق كوميتەتتەرى قاۋىمداستىعىنىڭ (ۇ و ك ق) اتقارۋشى كوميتەتىنىڭ مۇشەسى.
ح و ك كوميسسيا مۇشەلەرىن ح و ك پرەزيدەنتى توماس باح تاعايىندايدى.
