الماتى وبلىسىندا اتىس بولدى: ءبىر ادام قازا تاپتى
7- قىركۇيەكتە ىلە ورتالىق اۋداندىق اۋرۋحاناسىنا قارۋدان العان جاراقاتپەن ءتورت جەرگىلىكتى تۇرعىن تۇسكەن. تاعى ءبىر ادام اۋرۋحاناعا جەتپەي، جولدا قازا بولدى.
«بۇل دەرەكتەر ق ر قىلمىستىق كودەكسىنىڭ 99-بابى (ادام ءولتىرۋ) جانە ق ر قىلمىستىق كودەكسىنىڭ 293-بابى 3-بولىگى (بۇزاقىلىق) بويىنشا تىركەلدى. پوليتسيا قىزمەتكەرلەرى وقيعاعا قاتىسقانداردى ۇستادى. وقيعانىڭ ءمان-جايى انىقتالىپ جاتىر»، - دەلىنگەن حابارلامادا.
قازىرگى ۋاقىتتا ساراپتامالىق تەكسەرۋلەر تاعايىندالىپ، بارلىق قاجەتتى تەرگەۋ شاراسى جۇرگىزىلىپ جاتىر.
«ايماقتاعى جاعداي تۇراقتى جانە باقىلاۋدا»، - دەدى پوليتسەيلەر.
ەسكە سالايىق، 3- قىركۇيەكتە ساعات 00:30 شاماسىندا ءال-فارابي-نازاربايەۆ كوشەلەرى قيىلىسىنداعى «سانسەت» مەكەمەسىندە اتىس بولعان. بەتپەردە كيگەن ءتورت ادام وق جاۋدىرعان. بۇل دەرەكتى بوستاندىق اۋداندىق پوليتسيا باسقارماسىنداعىلار تىركەپ، تەكسەرۋ جۇرگىزىپ جاتىر.
