16:06, 07 - قىركۇيەك 2023 | GMT +6
فۋتبولدان قازاقستان - فينليانديا ويىنىن قايدان كورۋگە بولادى؟
استانا. قازاقپارات - بۇگىن فۋتبولدان قازاقستان ۇلتتىق قۇراماسى 2024-جىلعى ەۋروپا چەمپيوناتىنا ىرىكتەۋ كەزەڭى اياسىندا فينليانديامەن وينايدى. «استانا ارەناداعى» ويىن كەشكى ساعات 20:00 دە باستالادى.
«ن» توبىنداعى ماڭىزدى ويىندى QazSport ارناسى تىكەلەي ەفيردە كورسەتەدى. سونداي-اق تەلەارنانىڭ رەسمي سايتىنان دا كورۋگە بولادى.
ويىنعا رۋمىن تورەشىسى رادۋ پەترەسكۋ قازىلىق جاسايدى. وعان وتانداستارى رادۋ گينگۋلياك پەن ميرچا گريگوريۋ كومەكتەسەدى، ءتورتىنشى تورەشى - مارتسەل بيرسان.
ءتورت ويىننان كەيىن «ن» توبىندا فينليانديا جانە قازاقستان قۇرامالارى 9 ۇپايمەن قاتار كەلەدى. قوسىمشا كورسەتكىشتەر بويىنشا عانا فيندەر الدا تۇر.
