سەناتتا سۋدى ءتيىمدى پايدالانۋ باعىتىندا ءبىرىڭعاي وپەراتور بەلگىلەۋ ۇسىنىلدى
ونىڭ ايتۋىنشا، ماماندار جەكەشەلەندىرۋ بارىسىندا كەيبىر سۋ شارۋاشىلىعى نىساندارىنىڭ جەكە ادامداردىڭ مەنشىگىنە وتۋىنە قارسى. كوبىنە ولارلىڭ يەلەرى بۇل قۇرىلىمداردىڭ جاعدايىن جاقسارتۋعا اقشا سالمايدى. وسىعان بايلانىستى دەپۋتات ۇكىمەت ءبىرقاتار شارالار قابىلداۋى قاجەت دەپ ەسەپتەيدى.
«سۋدى ءتيىمدى پايدالانۋ ءۇشىن ءبىرىڭعاي وپەراتوردى بەلگىلەۋ تۋرالى ماسەلەنى پىسىقتاۋ ماڭىزدى. سونداي- اق، بالقاش اۋدانى اۋماعىنداعى ىلە وزەنىندە بوگەت سالۋ بويىنشا جوبالاۋ- سمەتالىق قۇجاتتامانى تەز ارادا اياقتاۋ قاجەت. وسىعان بايلانىستى بىر سۋارۋ كانالىندا ورنالاسقان ەكى جانە ودان كوپ جەر پايدالانۋشىلارعا سۋارۋ كانالىن پايدالانۋدىڭ ءتارتىبىن بەلگىلەيتىن ەرەجەنى بەكىتۋ ماڭىزدى»، - دەدى دەپۋتات ۇكىمەت باسشىسى ءاليحان سمايىلوۆتىڭ اتىنا جولداعان ساۋالىندا.
سونىمەن قاتار، سەناتور اۋىل شارۋاشىلىعىندا سۋدى ءتيىمدى پايدالانۋدى قامتاماسىز ەتۋدىڭ 2023-2026 -جىلدارعا ارنالعان جول كارتاسىنا ءبىرقاتار وزگەرىس ەنگىزۋ قاجەت دەپ ەسەپتەيدى.
«اتاپ ايتقاندا، سۋمەن قامتاماسىز ەتۋدىڭ وڭىرلىك تابيعي ەرەكشەلىكتەرىن ەسكەرە وتىرىپ، اۋىل شارۋاشىلىعى داقىلدارىن سۋارۋ قاعيدالارىنىڭ جوباسىن جانە سۋ پايدالانۋ ءتاريفىن قۇرۋدى جەتىلدىرۋ ماڭىزدى»، - دەپ اتاپ ءوتتى سەناتور.
