شاحماتتان الەم چەمپيوناتى: قازاقستاننىڭ قىزدار قۇراماسى مىسىر مەن ءۇندىستاندى جەڭدى

بىدگوش. قازاقپارات - پولشانىڭ بىدگوش قالاسىندا جىلدام شاحماتتان (راپيد) ايەلدەر اراسىندا كوماندالىق الەم چەمپيوناتى باستالدى، دەپ حابارلايدى قازاقپارات ق ر شاحمات فەدەراتسياسىنا سىلتەمە جاساپ.

تۋرنيرگە 12 كوماندا قاتىسۋدا. ولار ەكى توپقا بولىنگەن.

قىزدارىمىز گرۋزيا، ۋكراينا، ءۇندىستان، فرانتسيا جانە مىسىرمەن وينايدى. الدىن الا وتكەن تۋرنيرلەردىڭ قورىتىندىسى بويىنشا ەكى ۇزدىك كوماندا انىقتالادى. ولار كۋبوك جۇيەسى بويىنشا 1-4 ورىنداردى ءوزارا بولىسپەك.

ءبىرىنشى كەزدەسۋدە قازاقستاندىق شاحماتشىلار مىسىر قۇراماسىن 3:1 ەسەبىمەن جەڭدى (ءبيبىسارا اساۋبايەۆا مەن مەرۋەرت كاماليدەنوۆا جەڭىسكە جەتتى، ال كسەنيا بالابايەۆا مەن الۋا نۇرمانوۆا ويىندارىن تەڭ اياقتادى) .

ەكىنشى اينالىمدا ءبىزدىڭ قۇراما ءۇندىستان كومانداسىن ۇتتى. جەڭىس ۇپايىن ءامينا قايىربەكوۆا اكەلدى.

ەندى فرانتسيا مەن ۋكراينا كوماندالارىمەن وتەتىن كەلەسى ەكى ماتچ وتە ماڭىزدى بولماق.