تۇركياداعى جول اپاتى: تاعى ءبىر قازاقستاندىق اۋرۋحانادا كوز جۇمدى

استانا. قازاقپارات - تۇركيادا جول اپاتىنا ۇشىراعان وتباسىنىڭ وتاعاسى دا كوز جۇمدى، دەپ حابارلايدى قازاقپارات ءتىلشىسى.

«راستايمىز. ۇلدارىن تۋىستارى الىپ كەتتى، ول قازاقستاندا. وسى وتباسىنىڭ ءۇش مۇشەسىنىڭ مۇردەلەرىن بۇگىن قازاقستانعا جىبەرەدى»، - دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ اگەنتتىك تىلشىسىنە.

ەستەرىڭىزگە سالا كەتسەك، 4-قىركۇيەك كۇنى تۇركيانىڭ الانيا قالاسىندا سافاري-كولىك پەن جەڭىل اۆتوموبيلدىڭ سوقتىعىسۋى سالدارىنان جۋرناليست، «زەيىن اتىراۋ» ەرەكشە بالالاردى وڭالتۋ ورتالىعىنىڭ نەگىزىن قالاعان ارايلىم باعىتجان مەن 2 جاسارى قىزى وقيعا ورنىندا قايتىس بولدى.

ال وتباسىنىڭ وتباعاسى جانساقتاۋ بولىمىنە تۇسكەن ەدى. 2014 -جىلى تۋعان ۇلدارى دا اۋرۋحانادا بولدى. ونىڭ دەنساۋلىعىنا اسا قاۋىپ تونبەگەن.