كوكشەتاۋدا اۋە كەمەسىنىڭ يەسىنە ايىپپۇل سالىندى

كوكشەتاۋ. قازاقپارات - كوكشەتاۋ كولىك پروكۋراتۋراسىنىڭ ۇيلەستىرۋىمەن ۋاكىلەتتى ورگان اۋە كەڭىستىگىندە ۇشۋ اپپاراتتارىن ءتيىستى تىركەۋدەن وتكىزبەي پايدالانۋ ءتارتىبىنىڭ بۇزۋشىلىقتارىن انىقتادى، دەپ حابارلايدى قازاقپارات.

باس پروكۋراتۋرانىڭ مالىمەتىنشە، اۆياتسيا سالاسىنداعى قولدانىستاعى زاڭنامادا مەنشىك يەسىنىڭ اۋەدە قوزعالاتىن كەز كەلگەن قۇرالدى مەملەكەتتىك ورگاننىڭ ەسەبىنە قويۋ مىندەتى كوزدەلگەن.

«بارلىق قاجەتتى زاڭدى راسىمدەر ورىندالعاننان كەيىن عانا اۆيا اپپاراتتار ۇسىنىلعان ۇشۋ جوسپارىنا سايكەس ۇشۋعا رۇقسات بەرىلەدى.

الايدا، ەكسترەمالدى سپورت اۋەسقويى بىرنەشە جىل بويى «Windtech» جانە «BOXER» موتوپاروپلاندارىن تىركەۋدەن جاسىرىپ قولدانعان»، - دەپ جازدى ۆەدومستۆودان.

ازاماتتىق اۆياتسيا سالاسىنداعى ۋاكىلەتتى ورگانمەن جۇرگىزىلگەن بىرلەسكەن رەيدتىك ءىس- شارالاردىڭ ناتيجەسىندە «ۇشاتىن اپپاراتتىڭ» يەسى ق ر ا ق ب ت ك 569-بابىنىڭ 6-بولىگى بويىنشا ايىپپۇل سالىنىپ اكىمشىلىك جاۋاپتىلىققا تارتىلدى (مەملەكەتتىك تىركەۋدەن وتپەگەن اۋە كەمەسىنە رۇقساتى بولماعانى ءۇشىن).