ۆەنەتسيا ساياحاتتاپ كەلگەن تۋريستەردەن اقشا الا باستايدى
اقى 14 جاستان اسقان تۋريستەردىڭ بارىنەن الىنباز. سىناق 30 كۇنگە جالعاسادى، دەپ حابارلايدى قازاقپارات Reuters اگەنتتىگىنە سىلتەمە جاساپ.
«اقشا الۋداعى ماقسات - ۆەنەتسيادا تۇراتىن، وقيتىن نەمەسە جۇمىس ىستەيتىن ادامدار مەن قالاعا كەلەتىندەردىڭ قۇقىعى اراسىندا جاڭا بالانس ورناتۋ»، - دەپ ءمالىم ەتتى ۆەنەتسيانىڭ تۋريزم بويىنشا كەڭەسشىسى سيمونە ۆەنتۋريني.
سونداي-اق ول مۇنداي ءتاسىلدىڭ ماقساتى - اقشا تابۋ ەمەس ەكەنىن اتاپ ءوتتى.
ەلگە كىرەتىندەردەن تولەم الۋ جوسپارى ناقتى قاشان ەنگىزىلەتىنى جانە ونىڭ جۇزەگە اسۋ ءتارتىبى كەلەسى اپتادا، كەڭەس تولىقتاي ماقۇلداعاننان كەيىن ناقتىلانادى.
تولەم الۋ جوسپارى العاش 2019 -جىلى تالقىلانىپ، كوروناۆيرۋس پاندەمياسىنا بايلانىستى كەيىنگە قالدىرىلعان بولاتىن.
شەكتەن تىس تۋريزم كوپتەن بەرى قالانىڭ ۇلكەن ماسەلەسىنە اينالدى. شامامەن 50000 ادام تۇراتىن تاريحي قالا حالقىنىڭ سانىنان تۋريستەر سانى ءجيى اسىپ كەتەتىنى ايتىلىپ ءجۇر.
شىلدەدە يۋنەسكو ساراپشىلارى ۆەنەتسيا مەن ۆەنەتسيا ءمۇيىسىن جاپپاي تۋريزم جانە كليمات وزگەرىسى سالدارىنان جويىلىپ كەتۋ قاۋپى ءتونىپ تۇرعاندىقتان الەمدىك مۇرا تىزىمىنە ەنگىزۋدى ۇسىندى.
