10:05, 07 - قىركۇيەك 2023 | GMT +6
قىتايلىق بويجەتكەنگە كومەكتەسكەن ديماش قۇدايبەرگەننىڭ ارەكەتى جەلىدە تالقىلاندى
استانا. قازاقپارات - الەۋمەتتىك جەلىدە ديماش قۇدايبەرگەننىڭ ۆيدەوسى تارادى، دەپ حابارلايدى El.kz اقپارات اگەنتتىگى.
تانىمال ءانشىنىڭ ارەكەتى تاعى دا كوپشىلىكتىڭ نازارىنا ىلىكتى. بۇل جولى ديماش قىتاي اۋەجايىندا ۆيدەوعا ءتۇسىپ قالعان. ءانشى تەرمينالعا بارا جاتقان جولدا جاس قىزدى كورگەن. ول بويجەتكەن اۋىر سومكەلەرمەن ءجۇر دەپ ويلاپ، كومەك قولىن سوزدى.
قىزدىڭ كومەككە مۇقتاج ەمەستىگىنە كوز جەتكىزگەن ديماش ونى قۇشاقتاپ، تەرمينالعا دەيىن بىرگە باردى.
ديماش قۇدايبەرگەننىڭ بۇل ارەكەتىنەن سوڭ وقىرماندار ديماشتىڭ جۇلدىز اۋرۋىنا شالدىقپانىن جازىپ، ءارتىستىڭ قاراپايىمدىلىعىنا تامسانىپ جاتىر.
Посмотреть эту публикацию в Instagram
