ۇيىمداسقان قىلمىستىق توپ قۇرىپ، رەيدەرلىكپەن اينالىسقان ەلدوس قوسپايەۆ كيپردە ۇستالدى – ۇ ق ك
بۇل تۋرالى قازاقپارات ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ حابارلايدى.
باسپا ءسوز قىزمەتىنىڭ مالىمەتتەرىنە قاراعاندا، اتالعان ادامداردى بۇعان دەيىن قازاقستان رەسپۋبليكاسى قارجىلىق مونيتورينگى اگەنتتىگى رەيدەرلىك جاسادى، ۇيىمداسقان قىلمىستىق توپتى قۇردى جانە وعان قاتىستى دەگەن كۇدىكپەن حالىقارالىق ىزدەستىرۋگە جاريالاعان بولاتىن.
تەرگەۋ مالىمەتتەرى بويىنشا، ونىڭ مۇشەلەرى قورقىتۋ جانە زورلىق-زومبىلىق جاساۋ ارقىلى كاسىپكەرلەردىڭ مۇلكىن، ولاردىڭ كومپانيالارداعى ۇلەستەرىن تارتىپ العان، سونداي-اق كولەڭكەلى بيزنەسپەن اينالىسقان.
ۇ ق ك وپەراتسياسى شەڭبەرىندە شەتەلدىك ارىپتەستەرمەن تىعىز ءوزارا ءىس-قيمىل جاساي وتىرىپ، توپ قاتىسۋشىلارىنىڭ ورنالاسقان جەرلەرىن انىقتاۋ، سايكەستەندىرۋ جانە ۇستاۋ جونىندەگى قاجەتتى جەدەل ءىس-شارالار ۇيىمداستىرىلدى.
«كۇدىكتى ادامدار ۇ ق ك «ا» ارنايى ماقساتتاعى قىزمەتىنىڭ جاۋىنگەرلەرىنىڭ ايداۋىلىمەن استانا قالاسىنا جەتكىزىلدى جانە قىلمىستىق قۋدالاۋ ورگانىنىڭ قىزمەتكەرلەرىنە بەرىلدى»، - دەلىنگەن ۇ ق ك باسپا ءسوز قىزمەتى تاراتقان اقپاراتتا.
