ءماجىلىس دەپۋتاتى «سامۇرىق- قازىنانىڭ» بيۋدجەتكە اۋدارىپ جۇرگەن قاراجاتى تىم از ەكەنىن ايتتى
«مەملەكەت باسشىسى قاسىم- جومارت توقايەۆتىڭ قازاقستان حالقىنا جولداۋىندا ۇلتتىق قوردىڭ قارجىسىن ءتيىمسىز جۇمساۋدى توقتاتىپ، قاراجاتتى اسا قاجەتتى ينفراقۇرىلىمدى دامىتۋعا جانە ەلىمىز ءۇشىن ماڭىزى زور جوبالاردى قارجىلاندىرۋعا جۇمسالۋ كەرەكتىگىن نازارعا سالدى. الايدا، ايتىلعان سىنعا، بەرىلگەن تاپسىرماعا ءبىراز ۋاقىت وتسە دە ۇلتتىق ءال- اۋقات قورىنىڭ مەملەكەت بيۋدجەتىنە قاراجات ءبولۋى كوڭىل كونشىتپەي وتىر. اتاپ ايتقاندا، 2022 -جىلى «سامۇرىق- قازىنا» ۇلتتىق ءال- اۋقات قورى مەملەكەتكە بەرىلەتىن پايدانىڭ 70 پايىزىنىڭ ورنىنا تەك 10 پايىزىن عانا تولەگەن. ناقتىراق توقتالساق، 1 تريلليون 629 ميلليارد تەڭگە تازا تابىستىڭ 170 ميلليارد تەڭگەسىن قايتارىپ وتىر. ال تاپسىرما بويىنشا، بيۋدجەتكە 1 تريلليون 140 ميلليارد تەڭگە قايتارۋ قاجەت ەدى. ياعني، 970 ميلليارد تەڭگە مەملەكەت قازىناسىنا اۋدارىلماعان. بۇل قاراجات رەسپۋبليكالىق بيۋدجەتكە قۇيىلسا، ەلدىڭ ءال- اۋقاتىن كوتەرەتىن جوبالاردى ىسكە اسىرۋعا باعىتتالاتىن ەدى»، - دەدى م. جايىمبەتوۆ پرەمەر- ءمينيستردىڭ ورىنباسارى ەرۇلان جاماۋبايەۆتىڭ اتىنا جولداعان ساۋالىندا.
ونىڭ پايىمىنشا، ءالى دە ۇلتتىق ءال- اۋقات قورىنا قاراستى كومپانيالاردىڭ تابىستارىن اشىق تۇردە جاريالاۋ تالابى ساقتالماي وتىر.
«ماسەلەن، 2022 -جىلى Air Astana باسشىسى وزىنە 394 ميلليون تەڭگە سىياقى تولەگەنى تۋرالى اقپاراتتى بۇقارالىق اقپارات قۇرالدارىنىڭ وكىلدەرى جارىسا جازدى. ال، «سامۇرىق- قازىنا» ۇلتتىق ءال- اۋقات قورىنىڭ دەڭگەيىمەن سالىستىرۋعا كەلمەيتىن «وتباسى بانك» مەملەكەتكە 67 ميلليارد تەڭگەدەن استام قاراجات قايتاردى»، - دەدى دەپۋتات.
ونىڭ سوزىنە قاراعاندا، ديۆيدەندتىك ساياساتتاعى جۇيەلىلىك كەمشىلىكتەردى قايتا رەتتەۋ قاجەت.
«ۇلتتىق ءال- اۋقات قورى مەملەكەتكە بەرىلەتىن %70 پايداسىن تولىق قايتارۋدى جانە قايتارىلعان قاراجاتتى «جايلى مەكتەپ» جوباسىنا نەمەسە الەۋمەتتىك نىسانداردىڭ بوي كوتەرۋىنە جۇمساۋدى ۇسىنامىن. حولدينگتەر مەن ۇلتتىق كومپانيالاردىڭ ديۆيدەندتىك تابىستارى بويىنشا پارلامەنتكە اشىق ەسەپ بەرۋىن قامتاماسىز ەتۋ اسا ماڭىزدى ەكەنىن دە اتاپ وتكىم كەلەدى»، - دەدى مارحابات جايىمبەتوۆ.
