اقىلى تۇردە وقيتىن ستۋدەنتتەر جاتاقحانادا تۇرا الا ما - مينيسترلىك جاۋابى
«زاڭدى تۇرعىدا ەش شەكتەۋ قويىلماعان. وسى جىلدان باستاپ ستۋدەنتتىڭ گرانتتا نەمەسە اقىلى وقيتىنىنا قاراماستان ۋنيۆەرسيتەتتەردىڭ جاۋاپكەرشىلىگى قاراستىرىلعان زاڭ كۇشىنە ەنەدى. بارلىق ستۋدەنت جاتاقحانالاردان ورىن الۋعا قۇقىلى»، - دەپ ءتۇسىندىردى اقەركە ابىلايحان ورتالىق كوممۋنيكاتسيالار قىزمەتىندە وتكەن بريفينگتە.
سونىمەن بىرگە سپيكەر جاتاقحانالارداعى ورىنداردى ءبولۋ كەزىندە ەڭ الدىمەن، حالىقتىڭ الەۋمەتتىك وسال توپتارىنىڭ ستۋدەنتتەرى، سودان كەيىن ءبىرىنشى كۋرس ستۋدەنتتەرى ورنالاستىرىلاتىنىن اتاپ ءوتتى.
«جاتاقحانالاردا ورىن تاپشىلىعى بار ەكەنىن ءبارىمىز كورىپ وتىرمىز. ەگەر ستۋدەنت وسى توپتاردا بولسا، ورىن ءبولۋ كەزىندە باسىمدىققا يە بولادى. جالپى، زاڭ جۇزىندە ەشقانداي شەكتەۋلەر جوق: ستۋدەنت اقىلى نەگىزدە دە، گرانتتا دا جاتاقحاناعا ورنالاسا الادى»، - دەپ تولىقتىردى كوميتەت باسشىسىنىڭ ورىنباسارى اقەركە ابىلايحان.
