قورعاس بەكەتىنەن تاۋاردى جاسىرىن الىپ وتۋگە قولدانىلعان اۆتوكولىك تاركىلەندى
زاڭسىز تاۋار اۆتوموبيل ىشىنە جاسىرىلعان، دەپ حابارلايدى قازاقپارات مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ.
جەتىسۋ وبلىسى بويىنشا مەملەكەتتىك كىرىستەر دەپارتامەنتىنىڭ مالىمەتى بويىنشا، 24-شىلدەدە «قورعاس- ش ح ى و» كەدەن بەكەتىندە ق ر ازاماتىنا تيەسىلى Audi 100 ماركالى اۆتوكولىككە كەدەندىك باقىلاۋ جۇرگىزۋ كەزىندە سالماعى 22,62 ك گ «ORIS» ماركالى 102 بلوك تەمەكى بۇيىمدارى تابىلادى. زاڭسىز تاۋار اۆتوموبيل ىشىنە، اتاپ ايتقاندا ورىندىقتىڭ ارتقى جاعى مەن باگاج بولىگى اراسىندا، ياعني ىزدەۋ قيىن جەردە جاسىرىلعان.
ق ر ا ق ب ت ك-نىڭ 549-بابىنا سايكەس، ەۋرازيالىق ەكونوميكالىق وداقتىڭ كەدەندىك شەكاراسى ارقىلى وتكىزىلەتىن نە وتكىزىلگەن تاۋارلاردى كەدەندىك باقىلاۋدان جاسىرۋ، ونىڭ ىشىندە تاۋارلاردى تابۋدى قيىنداتاتىن قۇپيا ورىنداردى نە باسقا دا تاسىلدەردى پايدالانا وتىرىپ جاسىرۋ نەمەسە ءبىر تاۋارلارعا باسقالاردىڭ ءتۇرىن بەرۋ - قۇقىق بۇزۋشىلىقتىڭ تىكەلەي وبەكتىلەرى بولعان تاۋارلار تاركىلەنە وتىرىپ نەمەسە ونسىز، سونداي-اق اكىمشىلىك قۇقىق بۇزۋشىلىق جاساۋدىڭ تىكەلەي نىسانالارى بولىپ تابىلاتىن تاۋارلار مەن زاتتاردى ەۋرازيالىق ەكونوميكالىق وداقتىڭ كەدەندىك شەكاراسى ارقىلى جاسىرىپ وتكىزۋ ءۇشىن پايدالانىلعان ارنايى ازىرلەنگەن قۇپيا ورىندارى بار تاۋارلار مەن كولىك قۇرالدارى تاركىلەنە وتىرىپ، جيىرما بەس ايلىق ەسەپتىك كورسەتكىش مولشەرىندە ايىپپۇل سالۋعا الىپ كەلەدى.
ماتەريالدار جەتىسۋ وبلىسى پانفيلوۆ اۋداندىق سوتىنا بەرىلدى. سوتتىڭ 2023 -جىلعى 28-تامىزداعى قاۋلىسىمەن ەكونوميكالىق وداقتىڭ كەدەندىك شەكاراسى ارقىلى جاسىرىن وتكىزۋ ءۇشىن پايدالانىلعان اۋدي 100 ماركالى كولىك قۇرالى مەن تاۋاردى تاركىلەي وتىرىپ، 25 ا ە ك (86250 تەڭگە) مولشەرىندە اكىمشىلىك ايىپپۇل تۇرىندە جازا تاعايىندالدى.
سوت شەشىمى كۇشىنە ەنگەن جوق.
ەۋرازيالىق ەكونوميكالىق كوميسسيانىڭ 2017 -جىلعى 20-جەلتوقسانداعى № 107 «جەكە پايدالانۋعا ارنالعان تاۋارلارمەن بايلانىستى جەكەلەگەن ماسەلەلەر تۋرالى» شەشىمىنە سايكەس، ءبىر جەكە تۇلعا ءۇشىن 200 دانا نەمەسە 1 بلوك تەمەكىنى تاسىمالداۋ نورمالارى بەلگىلەنگەن.
