ورتالىق سايلاۋ كوميسسياسى ا ە س قۇرىلىسىنا قاتىستى رەفەرەندۋمعا دايىندالىپ جاتىر

استانا. قازاقپارات – ق ر ورتالىق سايلاۋ كوميسسياسىنىڭ مۇشەسى شاۆحات وتەمىسوۆ ا ە س قۇرىلىسىنا قاتىستى رەفەرەندۋمعا دايىندىق جۇمىستارى جونىندە تۇسىنىك بەردى، دەپ حابارلايدى قازاقپارات ءتىلشىسى.

«رەفەرەندۋم وتەتىنى جايىندا جاريالاندى. ونى وتكىزۋ مەرزىمى كەيىنىرەك ءمالىم بولادى. جالپى، ورتالىق سايلاۋ كوميسسياسى بۇل جۇمىستارعا دايىندالىپ جاتىر. ياعني سايلاۋشىلار ءتىزىمىن قۇرۋ، اۋماقتىق سايلاۋ كوميسسيالارىنا قاتىستى جۇمىستار ەسكەرىلگەن»، - دەدى شاۆحات وتەمىسوۆ پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

وسى ورايدا و س ك مۇشەسى الداعى ۋاقىتتا بارلىق جوسپارلى ءىس- شارالار اتقارىلاتىنىن ايتتى.

سونىمەن قاتار تىلشىلەر رەفرەندۋمدى بيىل وتكىزۋ تۋرالى شەشىم جاسالسا، ورتالىق سايلاۋ كوميسسياسى بۇل ناۋقانعا قانشالىقتى دايىن بولاتىنىن سۇرادى.

«رەفەرەندۋم مەرزىمىنە قاتىستى ءالى جاريالانعان جوق. ەگەر بيىل ۇيىمداستىرۋ تۋرالى شەشىم جاسالسا، ورتالىق سايلاۋ كوميسسياسى دايىن بولادى»، - دەدى وسك مۇشەسى.

اتاپ ايتقاندا، بيىل 1 -قىركۇيەكتەگى جولداۋىندا مەملەكەت باسشىسى قاسىم- جومارت توقايەۆ اتوم ەلەكتر ستانساسىن سالۋ ماسەلەسىن جالپى ۇلتتىق رەفەرەندۋم ارقىلى شەشۋ كەرەك ەكەنىن ايتتى.