اقمولالىق دارىگەرلەر تۇينەمە جۇقتىرعان ناۋقاستاردىڭ جاعدايى تۋرالى ايتتى
بۇل تۋرالى ەسىل ورتالىق اۋداندىق اۋرۋحاناسى باس دارىگەرىنىڭ مىندەتىن اتقارۋشى گۇلنار سارسەنبايەۆا ءمالىم ەتتى، دەپ حابارلايدى قازاقپارات ءتىلشىسى.
دارىگەردىڭ ايتۋىنشا، قازىرگى كەزدە ناۋقاستاردىڭ جاعدايى جاقسارىپ كەلەدى، دەنە قىزۋى تۇسكەن.
«ءبىزدىڭ اۋرۋحاناعا العاشقى كۇنى بارلىعى 15 ادام ءتۇستى. ولار بىردەن جۇقپالى اۋرۋلار بولىمشەسىنە جاتقىزىلدى. اراسىندا اۋىر كۇيدە جەتكىزىلگەن ناۋقاستار دا بولدى. دارىگەرلەردىڭ جەدەل قيمىلىنىڭ ارقاسىندا جاعدايدى تۇراقتاندىرۋ مۇمكىن بولدى. قازىرگى كەزدە 13 ناۋقاستىڭ جاعدايى ورتاشا دەڭگەيدە، ەكەۋىنىكى جەڭىل. دەنە قىزۋى جوق. جاقىن كۇندەرى قورىتىندى باكتەريولوگيالىق زەرتتەۋدەن كەيىن شىعارا باستايمىز»، - دەپ ءتۇسىندىردى ەسىل ورتالىق اۋداندىق اۋرۋحاناسى باس دارىگەرىنىڭ مىندەتىن اتقارۋشى گۇلنار سارسەنبايەۆا قازاقپارات ءتىلشىسىنىڭ ساۋالىنا.
ايتا كەتسەك، بۇدان بۇرىن اقمولا وبلىسىندا تۇرعىندار تۇينەمە جۇقتىرعان اۋىلدا كارانتين جاريالانعانىن جازعان ەدىك.
