سىبايلاس جەمقورلىق فاكتىلەرى تۋرالى حابارلاعاندارعا قانشا سىياقى بەرىلەدى

استانا. قازاقپارات - سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اسحات جۇماعالي سىبايلاس جەمقورلىق فاكتىلەرىن حابارلاعان نەمەسە وزگە دە جولدارىمەن كومەك كورسەتكەندەرگە سىياقى بەرۋدى كوزدەيتىن بۇيرىققا قول قويدى، دەپ حابارلايدى قازاقپارات ءتىلشىسى.

قۇجاتتا جازىلعانداي، جەمقورلىق قىلمىستارىن انىقتاۋعا كومەكتەسكەن اقپارات ءۇشىن ءبىرجولعى اقشالاي سىياقى مىنا مولشەرلەردە بەلگىلەندى:

- سىبايلاس جەمقورلىق قۇقىق بۇزۋشىلىقتار تۋرالى اكىمشىلىك ىستەر

بويىنشا - 30 ا ە ك (103500 تەڭگە)؛

- ونشا اۋىر ەمەس سىبايلاس جەمقورلىق قىلمىستار تۋرالى قىلمىستىق

ىستەر بويىنشا - 40 ا ە ك (138000 تەڭگە)؛

- اۋىرلىعى ورتاشا سىبايلاس جەمقورلىق قىلمىستار تۋرالى قىلمىستىق ىستەر بويىنشا - 50 ا ە ك (172500 تەڭگە)؛

- اۋىر سىبايلاس جەمقورلىق قىلمىستار تۋرالى قىلمىستىق ىستەر بويىنشا - 70 ا ە ك (241500 تەڭگە)؛

- اسا اۋىر سىبايلاس جەمقورلىق قىلمىستار تۋرالى قىلمىستىق ىستەر

بويىنشا - 100 ا ە ك (345000 تەڭگە).

«پارا نەمەسە كەلتىرىلگەن زالال سوماسى نەمەسە ۇسىنىلعان جەڭىلدىكتەر نەمەسە كورسەتىلگەن قىزمەتتەر قۇنى 1000 ا ە ك- تەن اساتىن سىبايلاس جەمقورلىق قۇقىق بۇزۋشىلىقتار بويىنشا ءبىرجولعى اقشالاي سىياقى پارا نەمەسە كەلتىرىلگەن زالال نەمەسە ۇسىنىلعان جەڭىلدىكتەر نەمەسە كورسەتىلگەن قىزمەتتەر سوماسىنىڭ 10 پايىزى، ءبىراق 4000 ا ە ك- تەن كوپ ەمەس»، - دەلىنگەن قۇجاتتا.

بۇيرىق العاش جاريالانعاننان 10 كۇن ءوتىپ بارىپ، 15- قىركۇيەكتە كۇشىنە ەنەدى.