كۇندە ەنەرگەتيكالىق سۋسىن ىشكەن: الماتىدا جاس ءوسپىرىم اۋرۋحاناعا ءتۇستى
الماتى قالالىق دەنساۋلىق ساقتاۋ باسقارماسىنىڭ مالىمەتىنشە، ناۋقاس 2№ قالالىق بالالار كلينيكالىق اۋرۋحاناسىنا «گەموفيليا ۆ» دياگنوزىمەن تۇسكەن. بۇرىن جاس وسپىرىمگە قاننىڭ ۇيۋىنىڭ IX فاكتورىنىڭ تومەن دەڭگەيى دياگنوزى قويىلعانى انىقتالدى.
تەكسەرۋ كەزىندە جاس وسپىرىمنەن جوعارى تەمپەراتۋرا، ەرىننىڭ قاناۋى، اۋىز قۋىسىنىڭ جارالارى، بۋىنداردىڭ اۋىرۋى جانە مۇرىننان قان كەتۋ بايقالدى. جاس ءوسپىرىم جۇرە الماعاندىقتان، ونى اربامەن اكەلگەن.
«الماتى قالاسى بويىنشا تاجىريبەلى دارىگەر - باس بالالار گەماتولوگى، 2№ بالالار اۋرۋحاناسى گەماتولوگيا ءبولىمىنىڭ مەڭگەرۋشىسى ۇلجالعاس وسكەنبايەۆا جىگىتتىڭ IX فاكتور كورسەتكىشى گەموفيليانىڭ ورتاشا اۋىر تۇرىنە سايكەس كەلەتىنىن ەسكەرتتى. ءبىراق 17 جىل ىشىندە گەموفيليانىڭ بەلگىلەرى ەرتەرەك پايدا بولار ەدى. سونىمەن قاتار VII فاكتوردىڭ تومەندەۋى بايقالعان. جاس وسپىرىمدە كواگۋلوگرامما بويىنشا گەموفيلياعا سايكەس كەلمەيتىن مەحانيزمنىڭ ىشكى جانە سىرتقى بۇزىلۋلارى بار»، - دەپ حابارلادى ۆەدومستۆودان.
جاس ءوسپىرىمنىڭ اۋرۋ انامنەزىمەن تانىسقاننان كەيىن دارىگەر ءۇش جىل بۇرىن وعان وتا جاسالعانىن ءبىلدى. ءبىراق وپەراتسيا بارىسىندا گەموفيلياعا ءتان اۋىر نەمەسە توقتاۋسىز قان كەتۋ بولماعان.
«سويلەسۋ كەزىندە جاس ءوسپىرىم ەنەرگەتيكالىق سۋسىنداردى كۇندەلىكتى ىشكەنىن بىلدىك. ول التى اي بويى ەنەرگەتيكالىق سۋسىن ءىشىپ، فاست-فۋدپەن تاماقتانعان. سالدارىنان باۋىر جۇمىسى ناشارلاعان. ءبىز بالاعا دياگنوز قويدىق: باۋىر قىزمەتىنىڭ بۇزىلۋى. باۋىرداعى كواگۋلياتسيا فاكتورلارى سينتەزىنىڭ بۇزىلۋى. ياعني، پروترومبيندىك كەشەندى فاكتورلاردىڭ جۇرە پايدا بولعان تاپشىلىعى. گەموفيليا دياگنوزى راستالمادى. ك ۆيتامينىن ەنگىزۋ جانە ونى تولىقتىرۋ ارقىلى ەمدەۋ جۇرگىزىلدى»، - دەدى ۇلجالعاس ايتجانوۆا.
