الماتىداعى اتىس: وق تيگەن ادامداردىڭ جاعدايى بەلگىلى بولدى
الماتى قالالىق دەنساۋلىق ساقتاۋ باسقارماسىنىڭ مالىمەتىنشە، ورتالىق كلينيكالىق اۋرۋحاناعا تۇسكەن ەكى ناۋقاستىڭ ءبىرى ماڭداي سۇيەگىنىڭ سىنىعى، جابىق باس سۇيەك-مي جاراقاتى، سول اياق جىلىنشىگىنىڭ وتپەلى وق جاراقاتى دياگنوزىمەن جەتكىزىلدى.
«ناۋقاس نەيروحيرۋرگيا بولىمىنە جاتقىزىلدى، قازىرگى كەزدە جاعدايى ءبىرقالىپتى، ونى باس سۇيەگىنە وتا جاساۋعا دايىنداپ جاتىر. ەكىنشى ناۋقاس اۋىر جاعدايدا قۇرساق قۋىسىنا وتپەلى تيگەن وق جاراقاتى، ىشىنە قان كەتۋ، قانسىراۋ مەن اۋىرسىنۋدان بولاتىن شوك، وڭ قول بۋىنىنا تيگەن وتپەلى وق جاراقاتى دياگنوزىمەن ءتۇستى»، - دەپ حابارلادى باسقارمانىڭ باسپا ءسوز قىزمەتىنەن.
ۆەدومستۆودان اتاپ وتكەندەي، ەكىنشى ناۋقاسقا شۇعىل تۇردە وتا جاسالدى. قازىر ول حيرۋرگيا بولىمىندە جاتىر، جاعدايى تۇراقتى اۋىر.
بۇعان دەيىن الماتىداعى ءدامحانالاردىڭ بىرىندە بۇگىن، تۇنگى ساعات 00:30 شاماسىندا اتىس بولعانى تۋرالى جازعان ەدىك.
