ونكولوگيالىق ناۋقاستاردى ەمدەۋگە قانشا قاراجات بولىنەدى

استانا. قازاقپارات - رەداكسيامىزدىڭ رەسمي ساۋالىنا جاۋاپ بەرگەن دەنساۋلىق ساقتاۋ مينيسترلىگى مەديتسينالىق كومەكتى ۇيىمداستىرۋ دەپارتامەنتىنىڭ ديرەكتورى ازامات دۇيسەنوۆ ونوكولوگياعا شالدىققان ناۋقاستاردى ەمدەۋگە جىل سايىن قانشا قاراجات بولىنەتىنىن ءمالىم ەتتى.

«قازاقستاندا ونكولوگياعا شالدىققان ناۋقاستار تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە ەم الادى. وعان جىل سايىن شامامەن 36 ميلليارد تەڭگە قاراجات بولىنەدى»، - دەپ جاۋاپ بەرگەن ازامات دۇيسەنوۆ.

سونىمەن قاتار قاتەرلى ىسىككە شالدىققانداردى ەمدەۋ جاعدايىن جاقسارتۋ ماقساتىندا ونكولوگيالىق اۋرۋلارمەن كۇرەس جونىندەگى 2023-2027 -جىلدارعا ارنالعان كەشەندى جوسپاردىڭ جوباسى ازىرلەنگەن.

ءمالىم بولعانداي، الداعى 4 جىلدا مىنا باعىتتاردى دامىتۋ كوزدەلگەن:

- حالىققا ونكولوگيالىق كومەك كورسەتۋ ماسەلەلەرى بويىنشا نورماتيۆتىك- قۇقىقتىق اكتىلەردى جەتىلدىرۋ؛

- ينفراقۇرىلىمدى جەتىلدىرۋ؛

- ەل حالقىنا ونكولوگيالىق كومەك كورسەتۋ ساپاسىن ارتتىرۋ؛

- كادرلىق الەۋەتتى دامىتۋ؛

- ونكولوگيالىق كومەكتى سيفرلاندىرۋ؛

- ونكولوگيالىق عىلىمدى دامىتۋ.

قوسا كەتسەك، قازاقستاندا ونكولوگيامەن اۋىراتىن 210 مىڭنان استام ادام ەسەپتە تۇر. ونىڭ ىشىندە 2021 -جىلدان باستاپ 12848 ناۋقاسقا وتا جاسالعان.

اۆتور:

ءاليحان اسقار