الماتىدا جۇرگىزۋشى ءىرى جول اپاتىن جاساپ، وقيعا ورنىنان قاشىپ كەتكەن

الماتى. قازاقپارات - الماتىدا تۇنگى ۋاقىتتا ءىرى جول اپاتىن جاساعان جۇرگىزۋشى وقيعا ورنىنان جاياۋ قاشىپ، جاسىرىنىپ ۇلگەردى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، 5-قىركۇيەك تۇنگى ساعات 1:35 تە اۋەزوۆ اۋدانىندا ءىرى جول اپاتى بولدى. «مەرسەدەس» ماركالى اۆتوكولىك سايىن كوشەسىمەن سولتۇستىك باعىتتا كەلە جاتىپ، «نيسسان»، «مەرسەدەس»، «تويوتا لەند كرۋزەر پرادو»، «شيەۆرولە» كولىكتەرىمەن سوقتىعىسقان. جۇرگىزۋشى وقيعا ورنىنان جاياۋ قاشىپ كەتىپ، جاسىرىنىپ ۇلگەردى.

«قازىرگى ۋاقىتتا جۇرگىزۋشىنىڭ كىم ەكەنى انىقتالدى. ونى ۇستاۋعا ءتيىستى شارالار قابىلدانىپ جاتىر. جول اپاتىنان «نيسسان» اۆتوكولىگىنىڭ جۇرگىزۋشىسى مەن جولاۋشىسى زارداپ شەكتى. اتالعان دەرەك اۋەزوۆ اۋدانى پوليتسيا باسقارماسى قىزمەتكەرلەرىمەن وندىرىسكە قابىلداندى»، - دەپ حابارلادى قالالىق پوليتسيا دەپارتامەنتىنىڭ باسپا ءسوز قىزمەتىنەن.