قازىرگى تۇماۋدان ساقتانۋ ءۇشىن نە ىستەۋ قاجەت

استانا. قازاقپارات - استانا قالاسىندا كوروناۆيرۋس ينفەكسياسى بويىنشا ەپيدەميولوگيالىق جاعداي تۇراقتى، دەپ حابارلايدى قازاقپارات.

استانا قالاسىنىڭ باس سانيتار دارىگەرى سارحات بەيسەنوۆانىڭ ايتۋىنشا، وسى جىلدىڭ العاشقى سەگىز ايىندا وتكەن جىلدىڭ سايكەس كەزەڭىمەن سالىستىرعاندا سىرقاتتانۋشىلىق 37 ەسەگە تومەندەگەن (109674 جاعدايدان 2970 جاعدايعا دەيىن).

«بيىل تامىز ايىندا وتكەن جىلدىڭ سايكەس كەزەڭىمەن سالىستىرعاندا سىرقاتتانۋشىلىق 92 ەسەگە (9162 جاعدايدان 99 جاعدايعا دەيىن)، وسى جىلدىڭ شىلدە ايىمەن سالىستىرعاندا ءبىر ەسە (103 جاعدايدان 99 جاعدايعا دەيىن) تومەندەدى. وسى جىلدىڭ تامىز ايىنىڭ سوڭعى اپتاسىندا (25-31 تامىز ارالىعىندا) وتكەن جىلدىڭ سايكەس كەزەڭىمەن سالىستىرعاندا سىرقاتتانۋشىلىق 22 ەسەگە (516-دان 23 جاعدايعا دەيىن)، الدىڭعى اپتامەن (18-24-تامىز) سالىستىرعاندا سىرقاتتانۋشىلىق 1,2 ەسە (28-دەن 23 جاعدايعا دەيىن) تومەندەدى»، - دەيدى ول.

ايتا كەتەيىك، SARS- CoV-2 ۆيرۋسىنا قاتىستى ەپيدەميولوگيالىق مونيتورينگ جۇرگىزىلىپ، گەنومدىق سەكۆەنيرلەۋ ادىسىمەن گەنەتيكالىق سيپاتتاما بويىنشا زەرتتەۋ جۇرگىزىلىپ جاتىر.

بۇگىندە قازاقستان اۋماعىندا اينالاتىن SARS- CoV-2 (وميكرون) ۆيرۋسىنىڭ 15 گەنەتيكالىق جەلىسى انىقتالدى. جۇرگىزىلگەن سوڭعى زەرتتەۋلەر بارىسىندا قازاقستان ءۇشىن جاڭا سۋبگەنەتيكالىق جەلى تابىلعان جوق.

ەلوردادا 2023 -جىلدىڭ العاشقى سەگىز ايىندا ج ر ۆ ي اۋرۋىنىڭ 232494 جاعدايى تىركەلدى، ونىڭ ىشىندە 14 جاسقا دەيىنگى بالالاردا 132771 جاعداي انىقتالعان. وتكەن جىلدىڭ سايكەس كەزەڭىمەن سالىستىرعاندا سىرقاتتانۋشىلىقتىڭ 2 ەسە نەمەسە %49 عا ارتقانى بايقالدى.

وسى جىلدىڭ تامىز ايىندا سىرقاتتانۋشىلىق (11124 ج) وتكەن 2022 -جىلدىڭ تامىز ايىمەن سالىستىرعاندا (7833 ج) %23 عا ءوستى.

وسىعان بايلانىستى، استانا قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى ج ر ۆ ي-مەن سىرقاتتانعانداردىڭ ارتقانىن ەسكەرە وتىرىپ، تۇرعىندارعا سپەتسيفيكالىق ەمەس پروفيلاكتيكانىڭ جالپى شارالارىن ساقتاۋدى ۇسىنادى:

- ج ر ۆ ي-مەن اۋىراتىن ناۋقاستارمەن بايلانىستا بولۋدان اۋلاق بولىڭىز، ەگەر بايلانىس بولعان جاعدايدا ءسىز ماسكا كيۋىڭىز بولۋىڭىز كەرەك؛

- اۋىرىپ قالعان جاعدايدا ۇيدە بولىڭىز. ءوزىن-ءوزى ەمدەۋمەن اينالىسپاڭىز، مەديتسينا قىزمەتكەرىن شاقىرىڭىز، وتباسى اراسىندا نەمەسە قوعامدىق جەرلەردە ماسكا تاعىڭىز جانە دارىگەردىڭ نۇسقاۋى بويىنشا ەم الۋ قاجەت؛

- تۇشكىرۋ جانە جوتەلۋ كەزىندە اۋزىڭىزدى مايلىقپەن، ورامالمەن جاۋىپ، قولىڭىزدى مۇمكىندىگىنشە ءجيى جۋىڭىز؛

- يممۋندىق جۇيەنى كوتەرىڭىز: دارىگەردىڭ ۇسىنىسى بويىنشا س دارۋمەنى مەن باسقا قۇرالداردى قولدانىڭىز؛

- قاشىقتىقتى ساقتاۋ، مۇمكىندىگىنشە بۇقارالىق ءىس-شارالارعا قاتىسۋدى قىسقارتۋ، ال اۋرۋ بەلگىلەرى بار ادامدارعا ۇيدە بولىپ، دارىگەردىڭ نۇسقاۋى بويىنشا ەم الۋ قاجەت؛

- بولمەلەردى ءجيى جەلدەتىڭىز؛

- اۋىرىپ قالعان بالالاردى مەكتەپتەر مەن مەكتەپكە دەيىنگى بالالار مەكەمەلەرىنە جىبەرمەۋ؛