گەرمانيا كانسلەرى پيرات كەيپىندەگى سۋرەتىن جاريالادى

استانا. قازاقپارات - گەرمانيا كانسلەرى ولاف شولتس دەمالىس كۇندەرى جۇگىرۋ كەزىندە العان جاراقاتىن جاسىرۋ ءۇشىن كوزىنە قارا تاڭعىش كيىپ الدى.

بۇل تۋرالى ول X الەۋمەتتىك جەلىدە ءمالىم ەتتى، دەپ حابارلايدى قازاقپارات Deutsche Welle-گە سىلتەمە جاساپ.

«مەمدەردى اسىعا كۇتەمىن. جاقسى تىلەكتەرىڭىزگە راقمەت. نەگىزى بۇدان دا ناشار كورىنەدى»، - دەلىنگەن تۆيتتەردە.

فوتو جاريالانعاننان كەيىن كوپ ۇزاماي مىڭداعان لايك پەن پىكىر جينادى. پىكىرلەردىڭ اراسىندا گەرمانيا كانسلەرىنە تەزىرەك ساۋىعىپ كەتۋىن تىلەگەندەر دە بار. فەدەرالدى ۇكىمەت وكىلى ستەففەن حەبەسترەيتتىڭ ايتۋىنشا، فوتوسۋرەت «پرەزيدەنت الداعى ءبىر- ەكى اپتادا وسىلاي جۇرەتىندىكتەن، جۇرتشىلىقتىڭ كوزىن ۇيرەتۋ ءۇشىن» جاريالانعان.

شولتس جەكسەنبى كۇنگى كەزدەسۋلەرىنەن باس تارتۋعا ءماجبۇر بولعان. ءبىراق بۇل ونىڭ باسقا كۇندەردەگى جوسپارىنا اسەر ەتپەدى.