قازاقستانعا قىدىرىپ كەلگەن ەتنيكالىق قازاقتارعا ەسكەرتۋ جاسالدى
بۇل تۋرالى «وتانداستار» قورىنىڭ facebook- تەگى پاراقشاسىندا حابارلاندى.
ولار شەتەل ازاماتتارى قازاقستان رەسپۋبليكاسىنىڭ اۋماعىندا 90 كۇن مەرزىمىندە ۆيزاسىز جۇرە الادى دەپ كورسەتكەن بولسادا مەرزىمدەرىن وتكىزىپ الۋ جاعدايىنا تاپ بولىپ جاتىر.
سەبەبى كوشىپ كەلگەن قانداستاردىڭ كوپشىلىگىنىڭ قۇجاتتارى قۇزىرلى مەملەكەتتىك ورگانداردا تاپسىرعانبىز، ەندى جۇمىسىمىز تولىق اياقتالدى دەپ ويلايدى، ول قۇجاتتارى قۇزىرلى مەملەكەتتىك مەكەمەلەردە قارالىپ جاتقانىن ۇمىتىپ كەتەدى. سونىڭ سالدارىنان كوپ قانداستار قازاقستاندا تۇرۋ مەرزىمىن وتكىزىپ الادى.
كەلگەن ۋاقىتتا ءۇش كۇن ىشىندە قوناق دەگەن «Qonaq» سايتىنا تىركەلىپ وتىز كۇن ۆيزاسىز جۇرە الادى. وسى مەرزىم ۋاقىتىنان قالاتىن بولسا ۆيزاسىز ۋاقىتى بىتپەي ءبىر اپتا بۇرىن كوشى- قون قىزمەتى پوليتسياسىنا حابارلاسقان دۇرىس. قازىر كوبى بىلمەي قازاقستان اۋماعىنان دەپورتاتسيا مەن ايىپپۇل اكىمشىلىك جاۋاپكەرشىلىك جۇكتەپ جاتىر.
ەگەردە سەبەپسىز ق ر- نىڭ كوشى- قون زاڭناماسى بۇزىلاتىن بولسا تومەندەگى ايىپپۇل تولەۋگە نەمەسە قازاقستان رەسپۋبليكانىڭ اۋماعىنان اكىمشىلىك جولمەن شىعارىلۋ مۇمكىن.
قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى ا پ ك كودەكستىڭ 517-بابىنىڭ 3 جانە 4 تارماقتارىندا كورسەتىلگەندەي ايىپپۇل سالىناتىن بولادى.
3. شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ زاڭناماسىندا بەلگىلەنگەن مەرزىم وتكەننەن كەيىن قازاقستان رەسپۋبليكاسىنان كەتپەي، قازاقستان رەسپۋبليكاسىنىڭ حالىقتىڭ كوشى- قونى سالاسىنداعى زاڭناماسىن بۇزۋى -
1) ءۇش تاۋلىك ىشىندە - ەسكەرتۋ جاساۋعا الىپ كەلەدى؛
2) ءۇش تاۋلىكتەن استام بەس تاۋلىك وتكەنگە دەيىن - ون ايلىق ەسەپتىك كورسەتكىش
(34500 تەڭگە) مولشەرىندە ايىپپۇل سالۋعا الىپ كەلەدى؛
3) بەس تاۋلىكتەن استام ون تاۋلىك وتكەنگە دەيىن - ون بەس ايلىق ەسەپتىك كورسەتكىش (51750 تەڭگە) مولشەرىندە ايىپپۇل سالۋعا الىپ كەلەدى.
4. شەتەلدىكتىڭ نەمەسە ازاماتتىعى جوق ادامنىڭ زاڭنامادا بەلگىلەنگەن مەرزىم وتكەننەن كەيىن ون تاۋلىكتەن اساتىن كەزەڭ ىشىندە كەتۋدەن جالتارۋى سەبەبىنەن، قازاقستان رەسپۋبليكاسىنىڭ حالىقتىڭ كوشى- قونى سالاسىنداعى زاڭناماسىن بۇزۋى - جيىرما بەس ايلىق ەسەپتىك كورسەتكىش (86250 تەڭگە) مولشەرىندە ايىپپۇل سالۋعا نە قازاقستان رەسپۋبليكاسىنىڭ اۋماعىنان اكىمشىلىك جولمەن شىعارىپ جىبەرۋ تۇرىندە جازاعا تارتىلادى.
قۇجاتتارىنا جاۋاپ كەلمەگەن قانداستار بولسا وزدەرى تۇرىپ جاتقان اۋماقتىڭ كوشى قون پوليتسيا ماماندارىنا حابارلاسقانى دۇرىس.
