الماتىدا اتىس بولىپ، ەكى ادام جارالاندى

الماتى. قازاقپارات - الماتىداعى ءال- فارابي مەن فۋرمانوۆ كوشەلەرىنىڭ قيىلىسىنداعى «سانسەت» مەيرامحاناسىندا تۇنگى ساعات 00:30 شاماسىندا اتىس بولدى.

كۋاگەرلەردىڭ ايتۋىنشا، بەتپەردە كيگەن 4 ادام كەلىپ، ماكاروۆ تاپانشاسىنان وق جاۋدىرعان. بىرەۋى اسقازانىنان، ەكىنشىسى اياعىنان جارالانعان، دەپ حابارلايدى قازاقپارات.

پوليتسەيلەر بۇل دەرەكتى الماتى قالاسى بوستاندىق اۋدانىنىڭ پوليتسيا ءبولىمى تىركەپ، تەرگەۋ جۇرگىزىپ جاتقانىن مالىمدەدى.

«قىلمىس ورنىنا قالالىق پوليتسيا دەپارتامەنتىنىڭ باستىعى ارىستانعاني زاپپاروۆ باستاعان جەدەل-تەرگەۋ توبى باردى.

قازىرگى تاڭدا اتالعان قىلمىستى اشۋعا باعىتتالعان كەشەندى جەدەل ءىس-شارالار جۇرگىزىلىپ جاتىر»، - دەپ جازدى ءى ءى م- نەن.

ونداعى اقپاراتقا قاراعاندا، كۇدىكتىلەردىڭ ءبىرى قاماۋعا الىندى. قالعان قاتىسۋشىلار انىقتالىپ، ءتيىستى جاۋاپكەرشىلىككە تارتىلاتىن بولادى.