ەكس- دەپۋتات بەكبولات تىلەۋحان نەمەن اينالىسىپ ءجۇر

استانا. قازاقپارات - قازىرگى ۋاقىتتا ق ر پارلامەنتى ءماجىلىسىنىڭ ەكس- دەپۋتاتى جانە ۇلتتىق سپورت تۇرلەرى قاۋىمداستىعىنىڭ بۇرىنعى باسشىسى بەكبولات تىلەۋحان دۇنيەجۇزىلىك ەتنوسپورت كونفەدەراتسياسىنىڭ ۆيتسە- پرەزيدەنتى قىزمەتىن اتقارادى.

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە ۇلتتىق جانە ات سپورتى تۇرلەرى ورتالىعىنىڭ ديرەكتورى باقداۋلەت ءسابيتوۆ ايتتى، دەپ حابارلايدى قازاقپارات ءتىلشىسى.

ول بەكبولات تىلەۋحاننىڭ قازاقستاندا ۇلتتىق سپورت تۇرلەرىن دامىتۋعا ەلەۋلى ۇلەس قوسقانىن ايتا كەلە، قازىر بۇل سالادا قىزمەت ەتپەيتىنىن ءمالىم ەتتى. دەگەنمەن تۇركيادا دۇنيەجۇزىلىك ەتنوسپورت كونفەدەراتسياسى بار. وندا سول ۇيىمدا ۆيتسە- پرەزيدەنت قىزمەتىن اتقارادى.

«كەلەسى جىلى ءبىز وسى كونفەدەراتسيامەن بىرگە دۇنيەجۇزىلىك كوشپەندىلەر ويىندارىن وتكىزەمىز. بۇل ماسەلەدە ونىڭ تاراپىنان قولداۋ كورسەتىلەدى دەپ ۇمىتتەنەمىز»، - دەپ جاۋاپ بەردى باقداۋلەت ءسابيتوۆ ب ا ق وكىلدەرىنىڭ ساۋالىنا.

ەسكە سالايىق، ءماجىلىس دەپۋتاتى بولعان بەكبولات تىلەۋحاننىڭ وكىلەتتىگى 2021 -جىلى 29 -جەلتوقساندا مەرزىمىنەن بۇرىن توقتاتىلدى.

ارتىنشا ول نە سەبەپتى ءوز ەركىمەن مانداتىن تاپسىرۋ تۋرالى شەشىم قابىلداعانىن ءتۇسىندىردى.

سونداي- اق، بەكبولات تىلەۋحان ۇلتتىق سپورت تۇرلەرى قاۋىمداستىعىنىڭ باسشىسى قىزمەتىنەن دە كەتتى.