تەرروريزم تۋرالى جالعان اقپارات مەملەكەتكە قانشا شىعىن اكەلەدى؟
تالقانبايەۆتىڭ ايتۋىنشا، تەرروريزم اكتىلەرى تۋرالى حابارلامالار تۇسكەن كەزدە قۇقىق قورعاۋ ورگاندارى ناقتى قاۋىپتىڭ بولۋىنىڭ العىشارتتارىن نەگىزگە الىپ ارەكەت ەتەدى.
سپيكەردىڭ مالىمەتىنە سۇيەنسەك، قاۋىپ-قاتەرى بار اقپارات كەلىپ-تۇسسە شۇعىل قىزمەتكەرلەر مىندەتتى تۇردە وقيعا ورنىنا بارىپ، ازاماتتاردى ەۆاكۋاتسيالاپ، وبەكتىنى ەگجەي-تەگجەيلى تەكسەرەدى، جارىلعىش قۇرىلعىنى ىزدەپ، اپاتتىڭ بولۋىنا جول بەرمەۋ ءۇشىن شارالار قابىلدايدى.
تالقانبايەۆ بارلىق جاعدايدا دەرلىك اقپارات جالعان بولىپ شىعادى دەپ اتاپ ءوتتى.
«مۇنداي ويىندار قوعام مەن مەملەكەتكە ەلەۋلى زيان كەلتىرەدى. ءتۇرلى مەكەمەلەر مەن كاسىپورىنداردىڭ جۇمىس كەستەسى بۇزىلىپ، ازاماتتاردا قورقىنىش سەزىم مەن ىڭعايسىزدىق پايدا بولادى. ءبىزدىڭ ەسەپتەۋىمىز بويىنشا، وسىنداي جالعان ءبىر سىن-تەگەۋرىنگە شىعۋ ءۇشىن 200 دەن 300 مىڭ تەڭگەگە دەيىن جۇمسالادى، ال ءىرى ساۋدا ورتالىقتارىنىڭ ءار ساعاتىنان كەلگەن زالال ميلليونداعان تەڭگەمەن ەسەپتەلۋى مۇمكىن. سونىمەن، قىلمىستىق ءىستى تەرگەۋ بارىسىندا مەملەكەتكە وسىنداي جالعان حابارلامامەن كەلگەن ماتەريالدىق زالال جىل سايىن 500 مىڭنان ەكى ميلليون تەڭگەگە دەيىن ەكەنى انىقتالدى»، - دەدى الماس تالقانبايەۆ ءى ءى م بريفينگىندە.
