20:42, 04 - قىركۇيەك 2023 | GMT +6
فۋتبولدان قازاقستان-فينليانديا ويىنىنا قازىلىق جاسايتىن تورەشىلەر بەلگىلى بولدى
استانا. قازاقپارات - فۋتبولدان 2024-جىلعى ەۋروپا چەمپيوناتىنا ىرىكتەۋ كەزەڭىندەگى قازاقستان جانە فينليانديا قۇرامالارى اراسىندا وتەتىن ويىننىڭ تورەشىلەرى انىقتالدى.
7- قىركۇيەك كۇنى «استانا ارەنادا» وتەتىن ماڭىزدى ماتچقا رۋمىن تورەشىسى رادۋ پەترەسكۋ قازىلىق جاسايدى.
ويىندا رادۋعا وتانداستارى رادۋ گينگۋلياك پەن ميرچا گريگوريۋ كومەكتەسەدى، ءتورتىنشى تورەشى - مارتسەل بيرسان.
ءتورت ويىننان كەيىن «ن» توبىندا فينليانديا جانە قازاقستان قۇرامالارى 9 ۇپايمەن قاتار كەلەدى. قوسىمشا كورسەتكىشتەر بويىنشا عانا فيندەر الدا تۇر.
ويىن استانا ۋاقىتىمەن كەشكى ساعات 20:00 دە باستالادى.
